Smriti Mandhana: షమీ విసిరిన బంతికి గాయపడ్డా: స్మృతి మంధాన‌ – indian lady cricketer smriti mandhana says she was injured in mohammed shami’s bowling


భార‌త మ‌హిళా క్రికెట‌ర్ స్మృతి మంధాన తాజాగా ఒక ఆస‌క్తిక‌ర విష‌యం చెప్పింది. తాజాగా యూట్యూబ్ చాన‌ల్‌తో మాట్లాడుతూ గ‌తంలో భార‌త పేస‌ర్ మ‌హ్మ‌ద్ ష‌మీ బౌలింగ్‌లో గాయ‌ప‌డ్డాన‌ని తెలిపింది. అప్ప‌ట్లో ష‌మీ రీహాబిలిటేష‌న్ సెంట‌ర్లో ఉండ‌గా.. త‌న బౌలింగ్‌లో ఆడిన‌ట్లు చెప్పు కొచ్చింది. అయితే ష‌మీ విసిరిన ఒక డిప్ప‌ర్‌.. త‌న థై ప్యాడ్‌కు తగిలి గాయ‌ప‌డిన‌ట్లు తెలిపింది. ఈక్ర‌మంలో దెబ్బ‌కు పదిరోజులపాటు తొడ వ‌ద్ద వాపు వ‌చ్చిన‌ట్లు పేర్కొంది.


‘నిజానికి ఆ స‌మయంలో ష‌మీ నెమ్మ‌దిగానే బౌలింగ్ చేస్తాన‌ని చెప్పాడు. 120 కిమీ వేగంతో బాడీకి దూరంగా విసురుతా అన్నాడు. తొలి, రెండు బంతులు బాగానే వేశాడు. అయితే మూడో బంతి అనూహ్యంగా దూసుకొచ్చి థై ప్యాడ్ వ‌ద్ద తాకింది. దీంతో నాకు దెబ్బ త‌గిలింది’ అని స్మతి మంధాన పేర్కొంది. కొంతకాలం విశ్రాంతి తీసుకోవడంతో నొప్పి తగ్గిందని తెలిపింది.


ఇక 2013లో భారత జ‌ట్టులోకి మంధాన దూసుకొచ్చింది. ఇప్ప‌టివ‌ర‌కు 51 వ‌న్డేలాడిన మంధాన 2,025 ప‌రుగులు చేసింది ఇందులో నాలుగు సెంచ‌రీలు, 17 అర్ధ‌సెంచరీలు ఉన్నాయి. అలాగే 75 టీ20లు ఆడిన మంధాన‌.. 1,716 ర‌న్స్ సాధించింది. ఇందులో 12 అర్ధ‌సెంచ‌రీలు ఉన్నాయి. క‌రోనా వేళ కొంత‌మంది క్రికెట‌ర్లు సోష‌ల్ మీడియాలో అభిమానుల‌కు అందుబాటులో ఉంటున్న సంగ‌తి తెలిసిందే. మ‌రో యువ క్రికెట‌ర్ జెమీమా రోడ్రిగ్స్‌తో క‌లిసి సోష‌ల్ మీడియాలో మంధాన ప‌లుమార్లు సంద‌డి చేసింది.



Source link

Leave a Reply

Your email address will not be published. Required fields are marked *