son kills stepfather: తండ్రి పోయిన నెలకే తల్లి రెండో పెళ్లి.. అది నచ్చని కొడుకు.. – tenth student killed stepfather in uttar pradesh


తండ్రి చనిపోయిన నెలకే తల్లి మరో వివాహం చేసుకోవడం కొడుక్కి నచ్చలేదు. ఎన్నోవిధాలుగా చెప్పి చూసినా ప్రయోజనం లేదు. మరొకరిని తన తండ్రి స్థానంలో ఊహించుకోలేకపోయాడు. చివరికి దారుణానికి ఒడిగట్టాడు. ఏకంగా సవతి తండ్రిని అమానుషంగా హతమార్చాడు. ఇనుప రాడ్డుతో కొట్టి.. తుపాకీతో కాల్చి కిరాతకంగా చంపేశాడు. ఈ దారుణ ఘటన యూపీలోని సుల్తాన్‌పూర్ జిల్లాలో చోటుచేసుకుంది.

పదో తరగతి చదువుతున్న పదిహేనేళ్ల బాలుడు సవతి తండ్రిని దారుణంగా హత్య చేసిన ఘటన కదియా పోలీస్ స్టేషన్ పరిధిలోని జరిగింది. బాలుడి తండ్రి ఇటీవల గుండెపోటుతో మరణించాడు. తండ్రి చనిపోయిన నెలరోజులకే తల్లి మరొక వ్యక్తిని పెళ్లి చేసుకుంది. సమీపంలోని బక్ష్‌పూర్ మిత్నేపూర్‌కి చెందిన వ్యక్తిని వివాహమాడింది. తల్లి మళ్లీ పెళ్లి చేసుకోవడం నచ్చని కొడుకు సవతి తండ్రిపై కోపం పెంచుకున్నాడు.

Also Read: కన్నకొడుకు ముందే తల్లిపై అత్యాచారం.. మందు తాగించి, సిగరెట్లతో కాల్చి..

తల్లి ఎన్నివిధాలుగా చెప్పిచూసినా బాలుడిలో మార్పు రాలేదు. చివరికి సవతి తండ్రిని అంతమొందించాలని నిర్ణయించుకున్నాడు. తన స్నేహితులతో కలసి కాపుకాశాడు. బైక్‌పై తన సోదరుడితో కలసి వస్తున్న సవతి తండ్రిని అడ్డుకుని ఇనుప రాడ్లతో దాడి చేశారు. కిందపడిపోయిన సవతి తండ్రిపై తుపాకీతో కసితీరా కాల్పులు జరిపాడు. బుల్లెట్లు శరీరంలో నుంచి దూసుకెళ్లడంతో అతను అక్కడికక్కడే ప్రాణాలు కోల్పోయాడు. అతని సోదరుడు అక్కడి నుంచి పరారయ్యాడు.

హత్య అనంతరం నేరుగా ఇంటికెళ్లిన బాలుడు సవతి తండ్రిని హత్య చేసిన విషయం తల్లికి చెప్పాడు. అతన్ని చంపేశానని చెప్పి అక్కడి నుంచి పరారయ్యాడు. సమాచారం అందుకున్న పోలీసులు సంఘటన స్థలానికి చేరుకున్నారు. నిందితుడి తల్లి ఫిర్యాదు మేరకు కేసు నమోదు చేసిన పోలీసులు బాలుడిని గాలించి పట్టుకున్నారు.

Read Also: కోవిడ్ ఆస్పత్రిలో కామపిశాచి.. లేడీ డాక్టర్ నోరుమూసి.. దారుణం



Source link

Leave a Reply

Your email address will not be published. Required fields are marked *