southwest monsoon 2020: తుఫానుతో అనుకూల వాతావరణం.. బంగాళాఖాతంలోకి రుతుపవనాలు – monsoon rides cyclone amphan, south-west monsoon has entered parts of south bay of bengal


ఆదివారం దక్షిణ బంగాళాఖాతం, అండమాన్ నికోబార్‌ దీవుల ప్రాంతానికి నైరుతి రుతుపవనాలు ప్రవేశించినట్టు భారత వాతావరణ శాఖ తెలిపింది. ఇవి మరో రెండు రోజుల్లో అండమాన్‌ సముద్రం, అండమాన్‌ దీవుల్లోని మిగతా ప్రాంతాల్లోకి ప్రవేశించే ఆస్కారం ఉందని పేర్కొంది. ఉత్తర దిశలో కార్ నికోబార్ దీవులకు రుతుపవనాలు వ్యాపించినట్టు వివరించింది. దక్షిణ భాగంలోని అండమాన్ సముద్రం, దీవుల్లోని మిగతా ప్రాంతాలకు రుతుపవనాలు వ్యాపించడానికి అనుకూల పరిస్థితులు ఉన్నాయని తెలియజేసింది. రాబోయే రెండు రోజుల్లో ఈశాన్య-మధ్య ప్రాంతానికి విస్తరించనున్నాయి,అండమాన్ నికోబార్ దీవుల్లో సోమవారం భారీ వర్షాలు కురుస్తాయని తెలిపింది.

ఐఎండీ అంచనా వేసిన మే 22 కంటే కనీసం ఐదు రోజుల ముందే బంగాళాఖాతంలో రుతుపవనాల ప్రవేశించాయి. కేరళ తీరం తాకి దేశం ప్రధాన భూభాగంపై రావడానికి ఎలాంటి ఇబ్బంది ఉండదు. వాస్తవానికి, జూన్ 1 నాటికి కేరళ తీరానికి రుతుపవనాలు రానుండగా.. ఈ ఏడాది మాత్రం జూన్ 5కు నాలుగు రోజుల ముందు లేదా ఆలస్యం కావచ్చని ఐఎండీ పేర్కొంది. రుతుపవనాల రాకకు తుఫాను ఆటంకం కలిగిస్తుందని అంచనా వేసింది.

ఆగ్నేయ బంగాళాఖాతంలో ఏర్పడిన తుఫాను ప్రభావంతో మంగళవారం నాడు తెలంగాణలోని కొన్ని చొట్ల తేలికపాటి నుంచి ఓ మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం సీనియర్‌ అధికారి రాజారావు వెల్లడించారు. అలాగే, గరిష్ట ఉష్ణోగ్రతలు 41 నుంచి 43 డిగ్రీలు నమోదయ్యే అవకాశం ఉందని అంచనా వేశారు. ఇక అంపన్ మరో 24 గంటల్లో ప్రచండ తుఫానుగా మారి, తొలుత ఉత్తర దిశగా, ఆపై ఉత్తర ఈశాన్య దిశగా వెళ్లి, పశ్చిమ బెంగాల్, బంగ్లాదేశ్ మధ్య 20వ తేదీ సాయంత్రంలోగా తీరం దాటే అవకాశం ఉందని రాజారావు అంచనా వేశారు.



Source link

Leave a Reply

Your email address will not be published. Required fields are marked *