Sport in empty stadiums: ఖాళీ స్టేడియంలో క్రికెట్ మ్యాచ్‌లా..?: సచిన్ – sachin tendulkar feels sport in empty stadiums will be disappointing


కరోనా వైరస్ కారణంగా ఈ ఏడాది కొన్ని క్రికెట్ సిరీస్‌లని ఖాళీ స్టేడియాల్లో నిర్వహించాలని ప్రతిపాదనలు వినిపిస్తుండటంపై సచిన్ టెండూల్కర్ నిరాశ వ్యక్తం చేశాడు. ఆస్ట్రేలియా వేదికగా ఈ ఏడాది అక్టోబరులో టీ20 వరల్డ్‌కప్ జరగనుండగా.. స్టేడియంలోకి ప్రేక్షకుల్ని అనుమతించకుండా ఈ మెగా టోర్నీని నిర్వహించాలని డిమాండ్స్ వినిపిస్తున్నాయి. ఒకవేళ ఈ టీ20 వరల్డ్‌కప్ వాయిదాపడితే..? అక్టోబరులో ఐపీఎల్‌ 2020 సీజన్‌ని నిర్వహించాలని బీసీసీఐ యోచిస్తుండగా.. ఈ టోర్నీకి కూడా ప్రేక్షకుల్ని స్టేడియంలోకి అనుమతించడం అనుమానమే.

Read More:విరాట్ కోహ్లీని తిట్టిన నోటితోనే పొగిడిన రబాడ

స్టేడియంలోకి ప్రేక్షకుల్ని అనుమతించకపోతే.. ఆటగాళ్లలోనూ ఉత్సాహం కొరవడుతుందని సచిన్ అభిప్రాయపడ్డాడు. ‘‘ఖాళీ స్టేడియంతో మైదానంలోని ఆటగాళ్లు కూడా నిరుత్సాహానికి గురవుతారు. అభిమానుల అరుపులు, కేరింతలు కచ్చితంగా క్రికెటర్లని మైదానంలో కదిలిస్తాయి. బ్యాట్స్‌మెన్ మంచి షాట్ ఆడితే..? ప్రేక్షకులు స్పందించే తీరు అతడిలో ఎనర్జీని మరింత పెంచుతాయి. అలానే బౌలర్ మంచి స్పెల్ వేస్తే..? ఫ్యాన్స్ అరుపులు బ్యాట్స్‌మెన్‌పై ఒత్తిడి పెంచుతాయి’’ అని సచిన్ టెండూల్కర్ వెల్లడించాడు.

Read More: క్రిస్‌గేల్ విధ్వంసానికి ధోనీ భయపడిన వేళ..!

కరోనా వైరస్ నియంత్రణకి సామాజిక దూరం ఒక్కటే మార్గమని వైద్య నిపుణులు సూచిస్తుండగా.. ఒకవేళ స్టేడియంలోకి వేలాది మందిని అనుమతిస్తే..? కరోనా వైరస్ వ్యాప్తి చెందే ప్రమాదం ఉంది. దీంతో.. ఇప్పట్లో స్టేడియంలోకి ఫ్యాన్స్‌ని అనుమతించే ఆలోచనని బీసీసీఐతో పాటు అన్ని క్రీడా పోటీల నిర్వాహకులు పక్కన పెడుతున్నారు.



Source link

Leave a Reply

Your email address will not be published. Required fields are marked *