SRH vs DC Live Score: IPL Score Updates: హైదరాబాద్‌పై ఫీల్డింగ్ ఎంచుకున్న ఢిల్లీ – sunrisers hyderabad vs delhi capitals live score updates from dubai


ఐపీఎల్ 2020 సీజన్‌‌లో భాగంగా సన్‌రైజర్స్ హైదరాబాద్‌తో దుబాయ్ వేదికగా మంగళవారం రాత్రి జరుగుతున్న మ్యాచ్‌లో టాస్ గెలిచిన ఢిల్లీ క్యాపిటల్స్ కెప్టెన్ శ్రేయాస్ అయ్యర్ ఫీల్డింగ్ ఎంచుకున్నాడు. ఢిల్లీ తుది జట్టులో ఎలాంటి మార్పులు జరగలేదు. కానీ.. సన్‌రైజర్స్ హైదరాబాద్ తుది జట్టులో మాత్రం కెప్టెన్ డేవిడ్ వార్నర్ మూడు మార్పులు చేశాడు. ఓపెనర్ జానీ బెయిర్‌‌స్టో స్థానంలో కేన్ విలియమ్సన్ మళ్లీ టీమ్‌‌లోకిరాగా.. ప్రియమ్ గార్గ్ ప్లేస్‌లో సాహా, ఖలీల్ అహ్మద్ స్థానంలో స్పిన్నర్ నదీమ్ జట్టులోకి వచ్చారు.


తాజా సీజన్‌లో 11 మ్యాచ్‌లాడిన ఢిల్లీ టీమ్ ఏడింట్లో గెలుపొంది.. పాయింట్ల పట్టికలో రెండో స్థానంలో కొనసాగుతోంది. ఆ జట్టు ఈ మ్యాచ్‌లో గెలిస్తే ప్లేఆఫ్‌లో అడుగుపెట్టనుంది. మరోవైపు 11 మ్యాచ్‌లాడిన హైదరాబాద్ కేవలం నాలుగు మ్యాచ్‌ల్లో మాత్రమే విజయం సాధించి.. పట్టికలో ఏడో స్థానంలో ఉంది. హైదరాబాద్ ప్లేఆఫ్ రేసులో నిలవాలంటే ఈ మ్యాచ్‌లో తప్పక గెలవాల్సి ఉంది. ఢిల్లీ టీమ్ చివరిగా ఆడిన ఐదు మ్యాచ్‌లకిగానూ మూడింట్లో ఓడిపోగా.. హైదరాబాద్ కేవలం ఒక్క మ్యాచ్‌లో మాత్రమే గెలుపొందింది. మరీ ముఖ్యంగా.. చివరిగా ఆడిన మ్యాచ్‌లో రెండు జట్లూ ఓడిపోయాయి.

హైదరాబాద్ జట్టులో ఓపెనర్ డేవిడ్ వార్నర్, జానీ బెయిర్‌స్టో, మనీశ్ పాండే, విజయ్ శంకర్ మెరుగైన ఫామ్‌లో ఉన్నా.. ఈ నలుగురు ఔటైతే ఆ జట్టు పరిస్థితి అదోగతిలా తయారవుతోంది. పంజాబ్‌తో గత మ్యాచ్‌లో కేవలం 14 పరుగుల వ్యవధిలోనే 7 వికెట్లు చేజార్చుకున్న హైదరాబాద్ పేలవరీతిలో ఓడిపోయిన విషయం తెలిసిందే. బౌలింగ్‌లో సందీప్ శర్మ, నటరాజన్, రషీద్ ఖాన్ నిలకడగా రాణిస్తున్నారు.

ఢిల్లీ జట్టులో ఓపెనర్ శిఖర్ ధావన్ బ్యాక్ టు బ్యాక్ సెంచరీలతో సూపర్ ఫామ్‌లో ఉండగా.. మిడిలార్డర్ వైఫల్యం కొనసాగుతోంది. కెప్టెన్ శ్రేయాస్ అయ్యర్, రిషబ్ పంత్, సిమ్రాన్ హిట్‌మెయర్, మార్కస్ స్టాయినిస్ నిలకడగా ఆడలేకపోతున్నారు. అయితే బౌలింగ్‌‌లో మాత్రం రబాడ, నోర్తేజ్, అశ్విన్ మెరుగ్గా రాణిస్తున్నారు.

Delhi Capitals (Playing XI): Ajinkya Rahane, Shikhar Dhawan, Shreyas Iyer(c), Rishabh Pant(w), Shimron Hetmyer, Marcus Stoinis, Axar Patel, Ravichandran Ashwin, Kagiso Rabada, Anrich Nortje, Tushar Deshpande

Sunrisers Hyderabad (Playing XI): David Warner(c), Kane Williamson, Manish Pandey, Vijay Shankar, Wriddhiman Saha(w), Jason Holder, Abdul Samad, Rashid Khan, Shahbaz Nadeem, Sandeep Sharma, T Natarajan



Source link

Leave a Reply

Your email address will not be published. Required fields are marked *