srh vs kkr live score: IPL Score Updates: కోల్‌కతాపై ఫీల్డింగ్ ఎంచుకున్న హైదరాబాద్ – sunrisers hyderabad vs kolkata knight riders ipl live score updates from abu dhabi


ఐపీఎల్ 2020 సీజన్‌లో భాగంగా కోల్‌కతా నైట్‌రైడర్స్‌తో అబుదాబి వేదికగా ఆదివారం మధ్యాహ్నం జరుగుతున్న మ్యాచ్‌లో టాస్ గెలిచిన సన్‌రైజర్స్ హైదరాబాద్ కెప్టెన్ డేవిడ్ వార్నర్ ఫీల్డింగ్ ఎంచుకున్నాడు. కోల్‌కతా తుది జట్టులో కెప్టెన్ ఇయాన్ మోర్గాన్ రెండు మార్పులు చేశాడు. గ్రీన్, ప్రసీద్‌పై వేటు వేసి వారి స్థానాల్లో కుల్దీప్ యాదవ్, లూకీ ఫర్గూసన్‌ని టీమ్‌లోకి తీసుకున్నాడు. హైదరాబాద్ తుది జట్టులోనూ రెండు మార్పులు చోటు చేసుకున్నాయి. ధారాళంగా పరుగులిస్తున్న ఖలీల్ అహ్మద్‌పై వేటు వేసి అతని స్థానంలో బసిల్ థంపీని టీమ్‌లోకి తీసుకున్న వార్నర్.. స్పిన్ ఆల్‌రౌండర్ అబ్దుల్ సమద్‌ని మళ్లీ టీమ్‌లోకి తీసుకున్నాడు.

తాజా సీజన్‌లో 8 మ్యాచ్‌లాడిన కోల్‌కతా టీమ్ నాల్గింటిలో గెలుపొంది పాయింట్ల పట్టికలో నాలుగో స్థానంలో ఉండగా.. ఎనిమిది మ్యాచ్‌లాడిన హైదరాబాద్ మూడింట్లో మాత్రమే విజయం సాధించి తర్వాత స్థానంలో ఉంది. ఇక రెండు జట్లూ చివరిగా ఆడిన రెండు మ్యాచ్‌ల్లోనూ పేలవరీతిలో పరాజయాన్ని చవిచూశాయి. ప్లేఆఫ్ రేసులో ఇప్పటికే ఢిల్లీ క్యాపిటల్స్, ముంబయి ఇండియన్స్, రాయల్ ఛాలెంజర్స్ బెంగళూరు వరుసగా 7, 6, 6 విజయాలతో టాప్-3లో ఉండగా.. ఈరోజు మ్యాచ్‌లో గెలిచిన జట్టుకి నాలుగో స్థానం దక్కనుంది. ఐపీఎల్ లీగ్ దశ ముగిసే సమయానికి టాప్-4లో నిలిచిన జట్లు ప్లేఆఫ్‌కి అర్హత సాధించనున్న విషయం తెలిసిందే.

హైదరాబాద్ జట్టులో ఓపెనర్లు డేవిడ్ వార్నర్, జానీ బెయిర్ స్టో మంచి ఫామ్‌లో ఉన్నప్పటికీ.. ఇద్దరూ కలిసి టీమ్‌కి మెరుగైన ఆరంభాన్ని ఇవ్వలేకపోతున్నారు. దాంతో.. మిడిలార్డర్‌లోని మనీశ్ పాండే, కేన్ విలియమ్సన్‌పై ఒత్తిడి పెరుగుతోంది. బౌలింగ్‌లో రషీద్ ఖాన్, నటరాజన్ పొదుపుగా బౌలింగ్ చేస్తున్నారు.

కోల్‌కతా జట్టులో ఓపెనర్లు శుభమన్ గిల్, రాహుల్ త్రిపాఠి మంచి టచ్‌లో కనిపిస్తున్నా.. మిడిలార్డర్ వైఫల్యం కొనసాగుతోంది. ముఖ్యంగా.. పవర్ హిట్టర్ ఆండ్రీ రసెల్, నితీశ్ రాణా పేలవ ఫామ్‌తో నిరాశపరుస్తున్నారు. దినేశ్ కార్తీక్, ఇయాన్ మోర్గాన్ మెరుపులు ఒక మ్యాచ్‌కే పరిమితమయ్యాయి. బౌలింగ్‌లో మాత్రం పాట్ కమిన్స్ ఫర్వాలేదనిపిస్తున్నాడు. స్పిన్నర్ వరుణ్ చక్రవర్తి మిడిల్ ఓవర్లలో వికెట్లు పడగొడుతున్నాడు. కానీ. .పరుగుల్ని కట్టడి చేయలేకపోతున్నాడు.

Kolkata Knight Riders (Playing XI): Rahul Tripathi, Shubman Gill, Nitish Rana, Dinesh Karthik(w), Eoin Morgan(c), Andre Russell, Pat Cummins, Shivam Mavi, Kuldeep Yadav, Lockie Ferguson, Varun Chakravarthy



Source link

Leave a Reply

Your email address will not be published. Required fields are marked *