srh vs kkr prediction: SRH vs KKR Preview: కోల్‌కతాతో సన్‌రైజర్స్ కీలక పోరు.. ఆరెంజ్ ఆర్మీ గెలవాల్సిందే! – ipl 2020: sunrisers hyderabad vs kolkata knight riders match preview and prediction


ఐపీఎల్ 2020లో సన్‌రైజర్స్ హైదరాబాద్ నేడు కీలక మ్యాచ్ ఆడనుంది. పాయింట్ల పట్టికలో నాలుగో స్థానంలో ఉన్న కోల్‌కతా నైట్ రైడర్స్‌తో సన్‌రైజర్స్ తలపడనుంది. గత నాలుగు మ్యాచ్‌ల్లో ఒక్క దాంట్లోనే గెలిచిన సన్‌రైజర్స్.. ప్లేఆఫ్స్ రేసులో ముందుకెళ్లాలంటే కోల్‌కతాను ఓడించడం తప్పనిసరి. ఈ మ్యాచ్‌లో విజయం సాధిస్తే.. ఆరెంజ్ ఆర్మీ పాయింట్ల పట్టికలో నాలుగోస్థానానికి చేరుకుంటుంది. ఓడితే మాత్రం ప్లేఆఫ్స్ చేరడానికి మిగతా మ్యాచ్‌ల్లో తప్పనిసరిగా గెలవాల్సి ఉంటుంది.

అబుదాబీ వేదికగా ఆదివారం మధ్యాహ్నం 3.30 గంటలకు పారంభం కానున్న ఈ మ్యాచ్‌లో సన్‌రైజర్స్ చెలరేగాలని ఫ్యాన్స్ ఆశిస్తున్నారు. ఓపెనర్లు వార్నర్-బెయిర్ స్టోతోపాటు మనీష్ పాండే, విలియమ్సన్ రాణిస్తే.. భారీ స్కోరు చేయడమేం కష్టం కాదు. బౌలింగ్‌లో భువీ లేని లోటు తెలుస్తోంది. రషీద్ ఖాన్ సైతం ఇంతకు ముందులా వికెట్లు తీయలేకపోతున్నాడు. బౌలింగ్ విభాగంలో సందీప్ శర్మ, నటరాజన్, రషీద్ కీలకం కానున్నారు.

ఈ మ్యాచ్‌లో కోల్‌కతా నైట్ రైడర్స్ స్పిన్నర్ పియూష్ చావ్లాను ఆడించే అవకాశం ఉంది. చావ్లా ఆడితే.. లాకీ ఫెర్గ్యూసన్ రూపంలో మరో పేసర్‌ను సైతం ఆడించడానికి ఆ జట్టుకు అవకాశం ఉంటుంది. ఈ సీజన్లో కోల్‌కతా బౌలర్లు వికెట్లు తీయలేకపోతున్నారు. చెన్నై, పంజాబ్‌లతో జరిగిన మ్యాచ్‌ల్లో బౌలింగ్ ప్రతిభతోనే గెలిచినప్పటికీ.. ఎన్నో ఆశలు పెట్టుకున్న కమిన్స్ వికెట్ల వేటలో వెనుకబడ్డాడు. రస్సెల్ బ్యాటింగ్‌లో మెరుపులు మెరిపించలేకపోతున్నాడు.

ముంబై ఇండియన్స్‌తో మ్యాచ్‌కు ముందు దినేశ్ కార్తీక్ కెప్టెన్సీ నుంచి తప్పుకోగా.. అతడి స్థానంలో ఇయాన్ మోర్గాన్‌కు కోల్‌కతా కెప్టెన్సీ అప్పగించింది. కొత్త కెప్టెన్ ఈ మ్యాచ్‌లో ఏం మ్యాజిక్ చేస్తాడోనని చాలా మంది ఆసక్తిగా ఎదురు చూస్తున్నారు. కోల్‌కతా ఓపెనర్లలో గిల్ నిలకడగా రాణిస్తుండగా.. మరో ఓపెనర్‌‌తో సమస్య ఎదురవుతోంది. ఇరు జట్లూ దాదాపు ఒకే లాంటి సమస్యలను ఎదుర్కొంటున్నప్పటికీ.. సన్‌రైజర్స్ గెలిచే అవకాశాలు ఒకింత ఎక్కువగా ఉన్నాయి.



Source link

Leave a Reply

Your email address will not be published. Required fields are marked *