Sri Lanka vs South Africa : శ్రీలంకలో దక్షిణాఫ్రికా టీమ్ పర్యటన వాయిదా – sl vs sa 2020: south africa’s tour of sri lanka postponed


కరోనా వైరస్‌తో క్రికెట్ సిరీస్‌ల వాయిదా కొనసాగుతోంది. ఇప్పటికే మార్చి 29 నుంచి ప్రారంభంకావాల్సిన ఐపీఎల్ 2020 సీజన్‌ని బీసీసీఐ నిరవధికంగా వాయిదా వేయగా.. జూన్ ఆరంభంలో శ్రీలంక, దక్షిణాఫ్రికా మధ్య జరగాల్సిన వన్డే, టీ20 సిరీస్‌ కూడా తాజాగా వాయిదాపడింది. ఈ మేరకు దక్షిణాఫ్రికా క్రికెట్ బోర్డు ఈరోజు ఓ ప్రకటనని విడుదల చేసింది.


Read More:
టీ20ల్లో 14 ఏళ్లుగా ధోనీ ఖాతాలో చెత్త రికార్డ్

శ్రీలంకలో పర్యటించనున్న దక్షిణాఫ్రికా ఆ జట్టుతో మూడు వన్డేలు, మూడు టీ20ల సిరీస్ ఆడేలా షెడ్యూల్ రూపొందించారు. కానీ.. కరోనా వైరస్ అప్పటిలోపు పూర్తిగా నియంత్రణలోకి వచ్చే సూచనలు కనిపించకపోవడంతో ఆ టూర్‌ని నిరవధికంగా వాయిదా వేస్తున్నట్లు దక్షిణాఫ్రికా క్రికెట్ బోర్డు ప్రకటించింది. మార్చి నెలలో భారత్ పర్యటనకి వచ్చిన దక్షిణాఫ్రికా టీమ్.. కరోనా వైరస్ కారణంగా సిరీస్ మధ్యలోనే రద్దవడంతో క్లిష్ట పరిస్థితుల నడుమ స్వదేశానికి వెళ్లి అక్కడ 14 రోజులు సెల్ఫ్ క్వారంటైన్‌లో ఉండిన విషయం తెలిసిందే.

Read More:
6, 6, 6, 6, 6, 6.. కారణం ఫ్లింటాఫ్ బెదిరింపులే: యువరాజ్

‘‘శ్రీలంక, దక్షిణాఫ్రికా మధ్య సిరీస్‌ వాయిదా పడటం బాధిస్తోంది. కానీ.. తప్పడం లేదు. పరిస్థితులు చక్కబడిన తర్వాత సిరీస్ రీషెడ్యూల్ వెల్లడిస్తాం. దేశంలో లాక్‌డౌన్ కారణంగా దక్షిణాఫ్రికా ఆటగాళ్లు కూడా పూర్తి స్థాయిలో సిరీస్‌కి సిద్ధం కాలేకపోయారు’’ అని దక్షిణాఫ్రికా క్రికెట్ బోర్డు తాత్కాలిక చీఫ్ ఎగ్జిక్యూటివ్ జాక్వెస్ పాల్ వెల్లడించాడు.





Source link

Leave a Reply

Your email address will not be published. Required fields are marked *