srikakulam dsp suicide: శ్రీకాకుళం డీఎస్పీ మృతి కేసులో ట్విస్ట్.. ప్రమాదమా? ఆత్మహత్యా? – srikakulam dsp krishna varma suicide case, police filed suspecious death


శ్రీకాకుళం స్పెషల్ బ్రాంచ్ డీఎస్పీ కృష్ణ వర్మ ఆత్మహత్యపై ఎంపీవీ పోలీసులు అనుమానాస్పద మృతి కింద కేసు నమోదు చేశారు. శుక్రవారం విశాఖపట్నం బీచ్‌ రోడ్డులోని తన నివాసంలో ఉరి వేసుకుని కృష్ణ వర్మ ఆత్మహత్య చేసుకున్నట్లుగా వార్తలు వచ్చిన విషయం తెలిసిందే. అయితే కృష్ణవర్మ తన ఇంట్లో అనుమానాస్పదంగా మృతి చెంది ఉన్నారని సీఐ షణ్ముఖరావు తెలిపారు. బట్టలు ఆరబెట్టేందుకు తాడు కడుతుండగా జారిపడిపోయినట్లు.. కృష్ణవర్మ కుటుంబ సభ్యులు అంటున్నారని షణ్ముఖరావు చెప్పారు. కుటుంబ సభ్యులు ఆస్పత్రికి వెళ్లి వచ్చేసరికి కృష్ణ వర్మ ఇంట్లో అపస్మారక స్థితిలో పడి ఉన్నారని చెప్పారన్నారు.

Must Read: శ్రీకాకుళం డీఎస్పీ ఆత్మహత్య.. వైజాగ్ బీచ్‌లో విగతజీవిగా..

డీఎస్పీ కృష్ణవర్మ గత కొంతకాలంగా ఊపిరితిత్తుల సమస్యతో బాధపడుతున్నారని, డీఎస్పీ కృష్ణ వర్మ ప్రస్తుతం సెలవులో ఉన్నారని సీఐ షణ్ముఖరావు పేర్కొన్నారు. శక్రవారం మధ్యాహ్నం వర్మ మృతి చెందినట్లు సమాచారం వచ్చిందని, ఆయన భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు వెల్లడించారు. మృతదేహాన్ని కేజీహెచ్‌ మార్చరీకి తరలించినట్లు పేర్కొన్నారు. అయితే వర్మ ప్రమాదవశాత్తు మృతి చెందారా లేక ఆత్మహత్య చేసుకున్నారా అనేది పోస్ట్‌మార్టం నివేదిక వచ్చాక తెలుస్తుందని షణ్మఖరావు తెలిపారు.

కాగా, వర్మకు భార్య నీలిమ, ఇద్దరు పిల్లలు ఉన్నారు. పెద్ద కుమారుడు బీటెక్‌ చదువుతుండగా.. రెండో కుమారుడు ఇంటర్మీడియట్‌ మొదటి సంవత్సరం చదువుతున్నాడు. అనుమానాస్పద మృతిగా కేసు నమోదు చేసినట్లు పోలీసులు తెలిపారు.



Source link

Leave a Reply

Your email address will not be published. Required fields are marked *