srikalahasti man suicide: పని లేక.. పస్తులుండలేక వ్యక్తి ఆత్మహత్య.. శ్రీకాళహస్తిలో విషాద ఘటన – man commits suicide by hangs self in srikalahasti


చిత్తూరు జిల్లా శ్రీకాళహస్తిలో విషాద ఘటన చోటుచేసుకుంది. లాక్‌డౌన్ కారణంగా రోజు గడవక నాయీ బ్రాహ్మణుడు ఉరి వేసుకుని ఆత్మహత్య చేసుకున్నాడు. శ్రీకాళహస్తి ప్రాజెక్టు వీధికి చెందిన వెంటకరమణ కుల వృత్తి చేసుకుంటూ కుటుంబాన్ని పోషించుకుంటున్నాడు. లాక్‌డౌన్ కారణంగా ఉపాధి కరువవడంతో పస్తులు ఉండాల్సిన పరిస్థితి దాపురించింది. కుటుంబాన్ని పోషించలేక.. అప్పుల భారం మోయలేక బలవన్మరణానికి పాల్పడినట్లు తెలుస్తోంది.

చిత్తూరు జిల్లాలోనే శ్రీకాళహస్తిలో అత్యధికంగా కరోనా కేసులు నమోదయ్యాయి. తమిళనాడులోని కోయంబేడు మార్కెట్‌కి వెళ్లొచ్చిన వారి వల్ల కూడా కరోనా పాజిటివ్ కేసులు ఎక్కువయ్యాయి. కరోనా విధుల్లో ఉన్న ఉద్యోగులు కూడా వైరస్ బారిన పడ్డారు. రోజూ పదుల సంఖ్యలో కేసులు నమోదవుతుండడంతో కంటైన్మెంట్ జోన్‌గా ప్రకటించి అధికారులు కఠిన నిబంధనలు అమలు చేశారు. సుమారు 66 రోజులుగా అక్కడ కఠిన నిబంధనలు అమల్లో ఉన్నాయి.

Also Read:
ప్రెషర్ కుక్కర్‌తో భర్తను చంపేసిన భార్య.. కడపలో దారుణం

ఇప్పట్లో దుకాణాలు తెరుచుకునే పరిస్థితి లేదు. సుమారు రెండు నెలలకు పైగా దుకాణాలు మూతపడడంతో వెంకట రమణ ఇన్ని రోజులూ అప్పులతో నెట్టుకొచ్చాడు. దీంతో అప్పుల భారం పెరిగిపోయింది. కొత్త అప్పులు.. వడ్డీలు తీర్చే దారి కనిపించకపోవడంతో వెంకట రమణ ఇంట్లో ఉరి వేసుకుని ఆత్మహత్య చేసుకున్నాడు. లాక్‌డౌన్ కారణంగా రోజు గడవక ఆత్మహత్య చేసుకోవడం తీవ్రంగా కలచివేస్తోంది.

Read Also: భార్య ప్రసవం.. భర్త మరణం.. కంటతడి పెట్టిస్తున్న అత్యంత విషాద ఘటన



Source link

Leave a Reply

Your email address will not be published. Required fields are marked *