ssc exams in telangana: తెలంగాణ పది పరీక్షలకు హైకోర్టు గ్రీన్ సిగ్నల్.. కానీ ఇక్కడి వారికి నో ఎగ్జామ్స్ – high court permits to conduct ssc exams in telangana except ghmc and rangareddy


తెలంగాణలో పదో తరగతి పరీక్షలు నిర్వహించేందుకు హైకోర్టు అనుమతించింది. అయితే, హైదరాబాద్ చుట్టుపక్కల ప్రాంతాలకు మాత్రం ఇది వర్తించబోదని స్పష్టం చేసింది. గ్రేటర్‌ హైదరాబాద్‌, రంగారెడ్డి మినహా రాష్ట్ర వ్యాప్తంగా ఎస్ఎస్‌సీ పరీక్షలు నిర్వహించుకోవచ్చని హైకోర్టు పేర్కొంది. కరోనా వైరస్‌ ఉద్ధృతి
రంగారెడ్డి, హైదరాబాద్‌ జిల్లాల్లో విపరీతంగా ఉంటోన్నందున ఆ పరీక్షలను వాయిదా వేయాలని సూచించింది.

పరీక్షలను వాయిదా వేయాలని కోరుతూ బాలకృష్ణ, సాయిమణి వరుణ్‌ అనే వ్యక్తులు వేర్వేరుగా హైకోర్టులో పిటిషన్‌లు దాఖలు చేశారు. వీటిపై శనివారం ధర్మాసనం వీడియో కాన్ఫరెన్స్‌ ద్వారా విచారణ చేసింది. హైకోర్టు తాజా తీర్పుతో పరీక్షలు నిర్వహణకు ప్రభుత్వం ఏర్పాట్లను ముమ్మరం చేసింది.

Must Read: KTR ఫాంహౌస్‌పై రేవంత్ మంకు పట్టు.. కేటీఆర్‌కు కొత్త చిక్కులు!

హైకోర్టు తీర్పుతో రెండు నెలల క్రితం వాయిదా పడ్డ పది పరీక్షలు సోమవారం నుంచి ప్రారంభం కానున్నాయి. జీహెచ్‌ఎంసీ, రంగారెడ్డి పరిధిలోని విద్యార్థులు మాత్రం సప్లమెంటరీ పరీక్షలు రాసుకొనేందుకు అనుమతించారు. వారు సప్లీలు రాసినా ఆ విద్యార్థులు రెగ్యులర్‌‌గా ఉత్తీర్ణులైనట్లుగా పరిగణించాలని ధర్మాసనం ప్రభుత్వానికి సూచించింది. జీహెచ్ఎంసీ, రంగారెడ్డి జిల్లాల్లో ఇప్పటికే పలు జాగ్రత్తలు తీసుకున్నామని, అక్కడ కూడా పరీక్షలకు అనుమతించాలన్న ప్రభుత్వ వాదనను ధర్మాసనం తోసిపుచ్చింది.

Must Read: వనపర్తిలో కొత్త రకం వైరస్ విజృంభణ.. బెంబేలెత్తుతున్న జనం

ఈ విషయంపై స్పందిస్తూ కరోనా సోకి ఎవరైనా విద్యార్థి మరణిస్తే ఎవరు బాధ్యత వహిస్తారని హైకోర్టు ప్రశ్నించింది. పరీక్షల కన్నా విద్యార్థుల జీవితాలే ముఖ్యమని స్పష్టం చేసింది. జీహెచ్‌ఎంసీలో పాజిటివ్‌ కేసులు పెరుగుతున్న నేపథ్యంలో లక్షల మంది విద్యార్థులను ప్రమాదంలోకి నెట్టలేమని న్యాయస్థానం అభిప్రాయపడింది.

Must Read: ఎన్టీఆర్ ఫ్యాన్స్ పచ్చి బూతులు.. మంత్రి కేటీఆర్‌కు థ్యాంక్స్ చెప్పిన మీరా చోప్రా



Source link

Leave a Reply

Your email address will not be published. Required fields are marked *