stanley chera died : విషాదంలో ట్రంప్.. కరోనాతో ప్రాణ స్నేహితుడి మృతి – trump’s friend stanley chera dies after covid-19 infection


చైనాలో పుట్టిన కరోనా వైరస్ అగ్రరాజ్యం అమెరికాను అతలాకుతలం చేస్తోంది. రోజుకు వేల మందికి ఈ వైరస్ సోకుతుండగా.. వందల సంఖ్యలో అమెరికన్లు ప్రాణాలు కోల్పోతున్నారు. ఇప్పటికే కేసుల సంఖ్య, మరణాల సంఖ్యలో అమెరికాలో అగ్రస్థానంలో కొనసాగుతోంది. దేశాధ్యక్షుడు డొనాల్డ్ ట్రంప్‌కు అధికారులు రెండుసార్లు కరోనా టెస్టులు చేయగా నెగిటివ్ రావడంతో ఊపిరి పీల్చుకున్నారు. అయితే ట్రంప్‌కు కరోనా వైరస్ మరో విధంగా విషాదం తెచ్చిపెట్టింది. ఆయన ప్రాణ స్నేహితుడు, రియల్ ఎస్టేట్ వ్యాపారి స్టాన్లీ చెరా(78)ను కరోనా వైరస్ బలి తీసుకుంది.

Also Read:
గంటకు 83 మంది మృతి… అమెరికాలో కరోనా విలయతాండవం

న్యూయార్క్ నగరంలో నివసించే స్టాన్లీ రియ‌ల్ ఎస్టేట్ డెవ‌ల‌ప‌ర్‌గా ప్రసిద్ధి చెందారు. ‘క్రౌన్ అక్వీసీషన్స్‌’ పేరుతో రియ‌ల్ ఎస్టేట్ వ్యాపారం చేస్తూ.. అనేక భారీ భవనాలు నిర్మించారు. అమెరికా అధ్యక్ష ఎన్నికల సమయంలో ట్రంప్ ప్రచారం కోసం ఆయన సుమారు 4లక్షల డాలర్లు విరాళంగా ఇచ్చారు. ట్రంప్ అల్లుడు జేర్డ్ కుషనర్‌తో స్టాన్లీకి అనేక వ్యాపార సంబంధాలున్నాయి.

Also Read:
కరోనా నుంచి ఇప్పట్లో బయటపడే మార్గం లేదు.. వ్యాక్సిన్ వచ్చేవరకు ముప్పే: డబ్ల్యూహెచ్ఓ

2019లో న్యూయార్క్‌లో జరిగిన వెటరన్స్‌ డే పరేడ్‌తో స్టాన్లీ తన ప్రాణ స్నేహితుడంటూ ట్రంప్ అందరికీ పరిచయం చేశారు. స్టాన్టీ కరోనా బారిన పడ్డారని కొద్దిరోజుల క్రితమే ట్రంప్ మీడియా సమావేశంలో తెలిపారు. మార్చి 24న ఆస్పత్రిలో చేరిన ఆయన పరిస్థితి క్రమంగా దిగజారుతూ వచ్చింది. కొద్దిరోజుల క్రితమే ఆయన కోమాలోకి వెళ్లిపోయారు. పరిస్థితి విషమించడంతో తుదిశ్వాస విడిచారు. ప్రస్తుతం అమెరికాలో ఐదున్నర లక్షల మందికి వైరస్ సోకగా.. 21వేల మందికి పైగా ప్రాణాలు కోల్పోయారు. అక్కడ కరోనా బారిన పడి సగటున గంటకు 83 మంది చనిపోతున్నట్లు తాజా అధ్యయనం వెల్లడించింది.

Also Read:
ఆ సూచన ఇచ్చినందుకు జ‌పాన్ ప్ర‌ధానిపై నెటిజన్ల ఫైర్





Source link

Leave a Reply

Your email address will not be published. Required fields are marked *