Stock Markets:లాభాల్లో ప్రారంభమైన స్టాక్ మార్కెట్స్



దేశీయ మార్కెట్‌ బుధవారం లాభాలతో ప్రారంభమయ్యాయి. ఉదయం 9.35 గంటల సమయంలో సెన్సెక్స్‌ 217 పాయింట్లు ఎగబాకి 30,413 వద్ద కొనసాగుతుండగా.. 67 పాయింట్లు లాభపడి 8,946 వద్ద ట్రేడవుతోంది. డాలరుతో రూపాయి మారకం విలువ రూ.75.06 వద్ద కొనసాగుతోంది. సూచీలకిది వరుసగా రెండో రోజూ లాభాల ప్రారంభం కావడం విశేషం. అటో, ఐటీ రంగాలకు చెందిన షేర్లు మాత్రమే అమ్మకాల ఒత్తిడిని ఎదుర్కోంటున్నాయి. మిగిలిన అన్ని రంగాలకు చెందిన షేర్లకు కొనుగోళ్ల మద్దతు లభిస్తోంది.

ఫైనాన్స్‌, ఎఫ్‌ఎంసీజీ, బ్యాంకింగ్‌ రంగ షేర్లు లాభపడుతున్నాయి. ఎన్‌ఎస్‌ఈలో కీలకమైన బ్యాంక్‌ నిఫ్టీ 0.79శాతం లాభంతో 17, 625 వద్ద ట్రేడ్‌ అవుతోంది.అమెరికా మార్కెట్లు మంగళవారం నష్టాలతో ముగిశాయి. దీంతో ఆసియా మార్కెట్లలో మిశ్రమ ఫలితాలు కనపడుతున్నాయి. కరోనా వైరస్‌ కట్టడికి విధించిన లాక్‌డౌన్‌ పరిమితులను చాలా దేశాలు సడలించినప్పటికీ.., ఆయా దేశాలు వెలువరించిన ప్రతికూల ఆర్థిక గణాంకాలు ఇన్వెస్టర్లను నిరుత్సాహరిచాయి. ఫలితంగా అంతర్జాతీయ ఈక్విటీ మార్కెట్లలో సెంటిమెంట్‌ కొంత బలహీనంగా ఉంది.

గత 2 ట్రేడింగ్‌ సెషన్ల నుంచి ఎఫ్‌పీఐల అమ్మకాలు క్రమంగా తగ్గుతూ వస్తుండటం మన మార్కెట్‌కు కలిసొచ్చే అంశంగా మారింది. ఇక బజాజ్‌ ఆటో, డాక్టర్‌ రెడ్డీస్‌, ఆల్ట్రాటెక్‌ సిమెంట్స్‌, జుబిలెంట్‌ ఫుడ్‌ వర్క్స్‌ తో 22 కంపెనీలు తమ ఆర్థిక సంవత్సరపు నాలుగో త్రైమాసిక ఫలితాలను విడుదల చేయనున్న నేపథ్యంలో ఇన్వెస్టర్లు అప్రమత్తత వహించవచ్చు.



Source link

Leave a Reply

Your email address will not be published. Required fields are marked *