stock markets: లాభాల్లో స్టాక్ మార్కెట్లు.. ఎయిర్ టెల్ జోరు – stock markets trending high in india bharti airtel shares rise


దేశీయ స్టాక్‌మార్కెట్లు మంగళవారం లాభాల్లో కొనసాగుతున్నాయి.అంతర్జాతీయ సానుకూల సంకేతాలతో మూడు రోజుల నష్టాలనుంచి కొలుకున్న కీలక సూచీలు మంగళవారం 2 శాతానికి పైగా పెరిగాయి. సెన్సెక్స్‌ 675 పాయింట్లకు పైగా లాభపడగా, 9021 వద్దకు చేరుకుంది. ప్రస్తుతం 381 పాయింట్లు ఎగిసిన సెన్సెక్స్‌ 30417 వద్ద, నిఫ్టీ 121 పాయింట్లు లాభంతో 8934 వద్ద కొనసాగుతోంది. డాలరుతో రూపాయి మారకం విలువ రూ.75.16 వద్ద కొనసాగుతోంది.

ఆసియా మార్కెట్లు భారీ లాభాల్లో నమోదవుతున్నాయి. అమెరికా మార్కెట్ల నుంచి సానుకూల ఫలితాలు అందడం స్టాక్ మార్కెట్లకు కలిసొచ్చింది. అలాగే చమురు ధరలు సైతం పుంజుకోవడం సూచీల సెంటిమెంటును సానుకూలపరిచింది. మరోవైపు కొవిడ్‌-19 వ్యాక్సిన్‌, ఔషధంపై వివిధ సంస్థల నుంచి ఆశాజనక ఫలితాలు వెలువడుతుండడంతో మదుపర్లు కొనుగోళ్లకు మొగ్గుచూపుతున్నారు. అలాగే నిన్నటి భారీ నష్టాల నుంచి స్థిరీకరణ దిశగా సాగుతుండడం కూడా స్టాక్ మార్కెట్లు పుంజుకోవడానికి కారణమైంది.

ఫైనాన్షియల్ సర్వీసెస్ , ఇన్ఫ్రాస్ట్రక్చర్ స్టాక్స్‌లో లాభాలు మార్కెట్లను లీడ్‌ చేస్తున్నాయి, ఐటీ షేర్లు స్వల్పంగా నష్టపోతున్నాయి.హెచ్‌డీఎఫ్‌సీ బ్యాంక్, హెచ్‌డీఎఫ్‌సీ, భారతి ఎయిర్‌టెల్ భారీగా లాభపడుండగా, భారతి ఎయిర్‌టెల్, ఒఎన్‌జిసి, టాటా మోటార్స్, జెఎస్‌డబ్ల్యు స్టీల్, అదానీ పోర్ట్స్‌ ఇతర టాప్‌ గెయినర్స్‌గా ఉన్నాయి. మార్చి 31 తో ముగిసిన త్రైమాసికంలో ప్రైవేటు రంగ టెలికాం మేజర్ తన ఆదాయాన్ని నివేదించిన ఒక రోజు తర్వాత భారతి ఎయిర్‌టెల్ షేర్లు 10 శాతం లాభాలతో కొనసాగుతున్నాయి.



Source link

Leave a Reply

Your email address will not be published. Required fields are marked *