stock markets: వరుస లాభాలకు చెక్.. నష్టాల్లో ముగిసిన మార్కెట్లు – sensex ends 128 points lower, nifty at 10,029


మార్కెట్లు వరుస లాభాలకు బ్రేక్ పడింది. ఇవాళ స్టాక్ మార్కెట్లు నష్టాల్లో ముగిశాయి. గత ఆరు రోజులుగా వరుస లాభాలతో దూసుకెళ్తున్న మార్కెట్ల దూకుడుకు బ్రేకులు పడ్డాయి. ఫైనాన్షియల్‌ షేర్లు అమ్మకాల ఒత్తిడికి లోనవ్వడంతో సూచీలు నష్టాలు చవిచూశాయి. నిఫ్టీ మాత్రం 10వేల మార్కును పదిలపరుచుకుంది. ఉదయం లాభాలతో ప్రారంభమైన సెన్సెక్స్‌ క్రమంగా నష్టాల్లోకి జారుకుంది. ఒకానొక దశలలో 400 పాయింట్ల మేర నష్టాల్లోకి వెళ్లింది. చివర్లో మళ్లీ పుంజుకుని 128.84 పాయింట్లు నష్టంతో 33,980.70 వద్ద ముగిసింది.

నిఫ్టీ 32.45 పాయింట్లు కోల్పోయి 10,029 వద్ద స్థిరపడింది. డాలరుతో రూపాయి మారకం విలువ 75.57గా ఉంది. నిఫ్టీలో ఏషియన్‌ పెయింట్స్‌, బజాజ్‌ ఫైనాన్స్‌, ఇండస్‌ ఇండ్‌ బ్యాంక్‌, హెచ్‌డీఎఫ్‌సీ, కోటక్‌ మహీంద్రా బ్యాంక్‌ షేర్లు ప్రధానంగా నష్టపోయాయి. వేదాంత, టెక్‌ మహీంద్రా, జీ ఎంటర్‌టైన్‌మెంట్‌, సన్‌ ఫార్మా, భారతీ ఎయిర్‌టెల్‌ షేర్లు లాభాలు చవిచూశాయి. ప్రధానంగా నిఫ్టీ బ్యాంక్‌ షేర్లు నష్టాలు చవిచూశాయి.



Source link

Leave a Reply

Your email address will not be published. Required fields are marked *