storm erik: వీడియో: రన్‌వేను తాకి బంతిలా పైకిలేసిన విమానం! – dramatic moment british airways plane fails to land as storm erik batters runway


ప్రధానాంశాలు:

  • హైదరాబాద్ నుంచి లండన్ హీత్రో వెళ్లిన విమానం
  • ఈదురు గాలులకు ఊగుతూ రన్‌ వేపై దిగిన బ్రిటిష్ ఎయిర్‌వేస్ విమానం
  • ల్యాండింగ్‌ కుదరకపోవడంతో సెకెన్ల వ్యవధిలో టేకాఫ్ చేసిన పైలట్

ఎరిక్ తుఫాన్ యూకేను వణికిస్తోంది. తుఫాన్ కారణంగా యూకేలోని ప్రధాన నగరాల్లో గంటకు 70 మైళ్ల వేగంతో గాలులు వీస్తున్నాయి. ఇంగ్లాండ్, వేల్స్, స్కాట్లాండ్, నార్తర్న్ ఐర్లాండ్‌లోని ప్రధాన నగరాల్లో ఎరిక్ తుఫాన్ బీభత్సం సృష్టిస్తోంది. ముఖ్యంగా లాంగ్‌ఫోర్డ్, మాంచెస్టర్, న్యూకాస్టల్, బర్మింగ్‌హామ్‌ నగరాల్లో గాలుల తీవ్రత ఎక్కువగా ఉంది. ఈ ఈదురు గాలుల కారణంగా విమానాల ల్యాండింగ్‌కు తీవ్ర అంతరాయం కలుగుతోంది. గాలులను ఎదుర్కొని విమానాలను రన్‌ వేపై దించడానికి పైలట్లు తీవ్రంగా శ్రమిస్తున్నారు. హైదరాబాద్ నుంచి యూకే వెళ్లిన విమానానికి ఇదే పరిస్థితి ఎదురైంది.

బ్రిటిష్‌ ఎయిర్‌వేస్‌కు చెందిన బీఏ 276 విమానం హైదరాబాద్‌ నుంచి లండన్‌ హీత్రోకు శుక్రవారం ఉదయం 7.19 గంటలకు బయలుదేరింది. హీత్రో విమానాశ్రయంలో మధ్యాహ్నం 12.36 గంటలకు ల్యాండ్ కావాల్సి ఉంది. ఎరిక్ తుఫాన్ కారణంగా హీత్రో విమానాశ్రయంలో వాతావారణం ల్యాండింగ్‌కు అనుకూలంగా లేదు. అయినప్పటికీ పైలట్ ల్యాండింగ్ కోసం ప్రయత్నించారు. ఈ సమయంలో ఈదురు గాలులకు విమానం అటూ ఇటూ ఊగిపోయింది. రన్‌వేను తాకిన సెకెన్ల వ్యవధిలోనే బంతిలా పైకెగిరిపోయింది.

పైలట్ చాకచక్యంగా వ్యవహరించి విమానాన్ని మళ్లీ గాల్లోకి తీసుకెళ్లడంతో ప్రమాదం తప్పింది. విమానం రన్‌వేను తాకి పైకెగిరిన దృశ్యాలు ఎయిర్‌పోర్ట్ సీసీటీవీ కెమెరాల్లో స్పష్టంగా రికార్డయ్యాయి. గాల్లోకి ఎగిరిన 18 నిమిషాల తరవాత మళ్లీ విమానాన్ని సురక్షితంగా ల్యాండ్ చేశారు.



Source link

Leave a Reply

Your email address will not be published. Required fields are marked *