Sudheer Babu: కృష్ణ డైలాగులతో సుధీర్ బాబు వీడియో.. మామను దించేశాడు! వందేమాతరం అంటూ ఎమోషనల్ కిక్ – sudheer babu special wishes to super star krishna with a attractive video


నేడు (మే 31) టాలీవుడ్ నటశేఖరుడు, సూపర్ స్టార్ కృష్ణ 77వ పుట్టినరోజు. ఈ సందర్భంగా ఆయనకు శుభాకాంక్షలు వెలువెత్తున్నాయి. ట్విట్టర్‌లో కృష్ణ బర్త్ డే ట్యాగ్ ట్రెండ్ అవుతోంది. నటుడిగా, దర్శకుడిగా, నిర్మాతగా తెలుగు ప్రేక్షకుల గుండెల్లో స్థిరపడిపోయిన ఆయన ఇన్నో విజయాలందుకొని అశేష అభిమాన వర్గాన్ని సొంతం చేసుకున్నారు. పౌరాణిక, జానపద, సాంఘీక, జేమ్స్‌బాండ్, కౌబాయ్ ఇలా ఎలాంటి పాత్రలో అయినా ఒదిగిపోగల ఏకైన నటుడిగా ఫేమస్ అయిన కృష్ణకు ఆయన అల్లుడు హీరో సుధీర్ బాబు స్పెషల్ విషెష్ పోస్ట్ చేస్తూ ఎమోషనల్ కిక్ ఇచ్చాడు.

డబ్స్ ఫర్ లెజెండరీ సీన్ అంటూ కృష్ణ నటించిన ‘అల్లూరి సీతారామరాజు’ సినిమాలోని ఓ ఎమోషనల్ డైలాగ్ చెబుతూ ఆ వీడియో షేర్ చేశాడు సుధీర్ బాబు. బ్రిటిషు సైన్యం ఎదుట అల్లూరి సీతారామరాజుగా కృష్ణ చెప్పిన భావోద్వేగపూరిత డైలాగులను అచ్చం అలాగే చెప్పి వావ్! అనిపించాడు. ‘అక్కడ కాదురా.. ఇక్కడ కాల్చు.. వందేమాతరం వందేమాతరం వందేమాతరం’ అంటూ ఆకర్షించాడు సుధీర్ బాబు. ప్రస్తుతం ఈ వీడియో సోషల్ మీడియాలో వైరల్ అవుతోంది.

సుధీర్ బాబు ఇటీవలే V సినిమాను పూర్తిచేశాడు. దిల్‌రాజు సమర్పణలో శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై రూపొందిన ఈ మూవీకి మోహన్‌కృష్ణ ఇంద్రగంటి దర్శకత్వం వహించారు. నాని మరో హీరోగా నటించారు. షూటింగ్ ఫినిష్ చేసుకొని విడుదలకు సిద్దమైన ఈ మూవీ లాక్‌డౌన్ కారణంగా వాయిదా పడింది. ఈ చిత్రంలో నివేదా థామస్, అతిథి రావు హైదరీ హీరోయిన్లుగా నటించారు. డిఫరెంట్ కథాంశంతో రూపొందిన ఈ మూవీ ఫస్ట్‌లుక్ పోస్టర్స్ సినిమాపై అంచనాలను పెంచేశాయి. ఈ మూవీ విడుదల కోసం ప్రేక్షక లోకం ఆతృతగా ఎదురుచూస్తోంది.



Source link

Leave a Reply

Your email address will not be published. Required fields are marked *