surat muslim man: ఆ వీడియో మతపరమైనది కాదు.. రంజాన్‌ దీక్షతో సంబంధం లేదు – fake alert: viral video of personal enmity shared with false claim of muslim man forced to lick hindu’s spit


క్లెయిమ్:
ముస్లిం యువకుడి రంజాన్ దీక్షను భగ్న చేసేందుకు హిందూ యువకుడు తన ఉమ్మిని నాకించాడంటూ షేక్ అజీజుర్ రహమాన్ అనే వ్యక్తి ఫేస్‌బుక్‌లో పోస్ట్ చేసిన వీడియో వైరల్‌గా మారింది. గుజరాత్‌లోని సూరత్‌లో ఓ హిందూ యువకుడు ముస్లిం యువకుడిపై దాడి చేయడమే కాకుండా చెవులు పట్టించి గుంజీలు తీయించాడు. ముస్లిం యువకుడిని ఎందుకు కొడుతున్నాడో కచ్చితంగా తెలియదు. కానీ ఆ వీడియో చూస్తే ముస్లిం యువకుడు రంజాన్ దీక్షలో ఉన్నట్లు తెలుస్తోంది.

యువకుడు అత్యంత క్రూరంగా ప్రవర్తించాడు. పక్కనే నిలిపి ఉంచిన కారు బానెట్‌పై ఉమ్మి వేసి దానిని నాకాలంటూ బలవంతం చేశాడు. ముస్లిం యువకుడి రంజాన్ దీక్ష భగ్నం చేసేందుకు అలా చేసినట్లు రహమాన్ క్యాప్షన్ ఇచ్చారు. టైమ్ ఫ్యాక్ట్ చెక్ రీడర్ ఒకరు ఆ వీడియోను వాట్సాప్‌లో షేర్ చేసి.. ఆ వీడియో చెక్ చేశారా అని ప్రశ్నించారు.

samayam telugu

Times fact check

వాస్తవం: ఫేస్‌బుక్‌లో షేర్ చేసిన ఆ వీడియో రంజాన్ మాసం ప్రారంభానికి ముందు తీసినది. అందులో ఎలాంటి మతపరమైన ప్రస్తావన లేదు.

నిర్ధారణ:
ఫేస్‌బుక్‌లో వీడియో షేర్ చేసిన అజీజుర్ రహమాన్ రాసిన క్యాప్షన్‌‌లోని కీవర్డ్స్ ఆధారంగా గూగుల్‌లో శోధించగా అది టీవీ9 గుజరాతీ చానల్‌లో ఏప్రిల్ 7న వచ్చిన కథనంగా తేలింది. కథనానికి ‘సూరత్‌లో యువకుడిని కొట్టి.. బలవంతంగా ఉమ్మి నాకించారు’ అనే టైటిల్ ఇచ్చారు. టీవీలో ప్రసారం చేసిన కథనంలోని దృశ్యాలే ఫేస్‌బుక్‌లో అప్‌లోడ్ చేసిన వీడియోలో కనిపించాయి.

ఆ వార్తా కథనం ప్రకారం దాడి చేసిన యువకుడి పేరు సల్మాన్ అని తెలిసింది. టీవీ కథనం ఆధారంగా గూగుల్ ఇంజిన్‌లో శోధించగా ఇదే ఘటనపై గుజరాతీ పత్రిక ‘దివ్య భాస్కర్’ ఏప్రిల్ 8న ఓ వార్తా కథనాన్ని ప్రచురించింది. రంజాన్ మాసం ఏప్రిల్ 24 నుంచి ప్రారంభమైంది. ఆ వీడియో అంతకుముందుదేనని తేలింది.

తీర్పు:
గతంలో ఎప్పుడో జరిగిన వీడియోకి ముస్లిం యువకుడిని తీవ్రంగా కొట్టి.. అతని రంజాన్ దీక్షను భగ్నం చేసేందుకు అమానుషంగా ఉమ్మి నాకించాడంటూ తప్పుడు సమాచారం జోడించినట్లు ‘టైమ్స్ ఫ్యాక్ట్ చెక్’ టీమ్ పరిశోధనలో తేలింది. వైరల్ అవుతున్న ఆ వీడియో మతపరమైన విషయాలకు సంబంధించనది కాదు.



Source link

Leave a Reply

Your email address will not be published. Required fields are marked *