Suresh Raina: చెన్నై త‌ర‌పున అత్య‌ధిక మ్యాచ్‌లాడింది ధోనీ కాదు! ఎవ‌రో తెలుసా? – senior cricketer suresh raina is the player who played most matches for chennai super kings


చెన్నై సూప‌ర్ కింగ్స్ (సీఎస్‌కే) అంటేనే మ‌న‌కు గుర్త‌చ్చేది ఆ జ‌ట్టు కెప్టెన్ ఎంఎస్ ధోనీ. ఇప్ప‌టివ‌ర‌కు ఆ జ‌ట్టు ఆడిన ప‌ది సీజ‌న్ల‌లోనూ కెప్టెన్‌గా వ్య‌వ‌హ‌రించిన ధోనీ.. ప్ర‌తీసారి టీమ్‌ను ప్లే ఆఫ్స్‌కు చేర్చాడు. అయితే చెన్నై త‌ర‌పున అత్య‌ధిక మ్యాచ్‌లు ఆడింది మాత్రం ధోనీ కాక‌పోవ‌డం విశేషం. సీనియ‌ర్ బ్యాట్స్‌మ‌న్ సురేష్ రైనా సీఎస్‌కే త‌ర‌పున 164 మ్యాచ్‌లాడి.. అత్య‌ధిక మ్యాచ్‌లాడిన ప్లేయ‌ర్‌గా నిలిచాడు. ఐపీఎల్ చ‌రిత్ర‌లోచెన్నై 165 మ్యాచ్‌లాడ‌గా.. కేవ‌లం ఒకే ఒక్క మ్యాచ్‌ను రైనా మిస్స‌వ్వ‌డం గ‌మ‌నార్హం.


2018లో కాలి పిక్క గాయం కార‌ణంగా రైనా ఒక మ్యాచ్‌కు దూర‌మ‌య్యాడు. ఇక ధోనీ 160 మ్యాచ్‌లు చెన్నై త‌ర‌పున ఆడాడు. మ‌రోవైపు ఐపీఎల్ చ‌రిత్ర‌లోనే అత్య‌ధిక మ్యాచ్‌లాడిన రికార్డు కూడా రైనా పేరిటే ఉండ‌టం విశేషం. టోర్నీలో త‌ను 193 మ్యాచ్‌లాడాడు. 190 మ్యాచ్‌ల‌తో ధోనీ రెండో స్థానంలో నిలిచాడు.


టోర్నీలోనే అత్యంత విజ‌య‌వంత‌మైన కెప్టెన్ రోహిత్ శ‌ర్మ (188), కోల్‌క‌తా నైట్‌రైడ‌ర్స్ ప్ర‌స్తుత సార‌థి దినేశ్ కార్తీక్ (182), రాయ‌ల్ చాలెంజ‌ర్స్ బెంగ‌ళూరు కెప్టెన్ విరాట్ కోహ్లీ (177) త‌ర్వాతి స్థానాల్లో నిలిచారు. ఇక 2008లో ప్రారంభ‌మైన ఐపీఎల్‌.. ఇప్ప‌టివ‌ర‌కు 12 ఎడిష‌న్లపాటు నిరాటంకంగా సాగింది. అయితే ఈ ఏడాది ఎడిష‌న్ క‌రోనా వైర‌స్ కార‌ణంగా నిర‌వ‌ధికంగా వాయిదా ప‌డిన సంగ‌తి తెలిసిందే.



Source link

Leave a Reply

Your email address will not be published. Required fields are marked *