Suresh Raina : ధోనీకి వయసు అయిపోవడమేంటి..? ఆ సిక్సర్లు చూడాలి..! : రైనా – veteran india batsman suresh raina believes ms dhoni showing no signs of ageing


భారత మాజీ కెప్టెన్ మహేంద్రసింగ్ ధోనీ కొత్తగా ఆడేందుకు ప్రయత్నిస్తున్నాడని వెటరన్ బ్యాట్స్‌మెన్ సురేశ్ రైనా కితాబిచ్చాడు. ఐపీఎల్ 2020 సీజన్ కోసం మార్చి తొలి వారం నుంచే చెపాక్ స్టేడియంలో ప్రాక్టీస్ చేసిన ధోనీ.. వరుసగా ఐదు సిక్సర్లతో అందర్నీ ఆశ్చర్యపరిచిన విషయం తెలిసిందే. మునుపటితో పోలిస్తే..? ధోనీ బ్యాటింగ్ స్టైల్ కొద్దిగా మారిందని చెప్పుకొచ్చిన సురేశ్ రైనా.. ధోనీకి వయసు పెరిగినట్లు అనిపించలేదని వెల్లడించాడు. మార్చి 29 నుంచి ప్రారంభంకావాల్సిన ఐపీఎల్ 2020 సీజన్.. ఏప్రిల్ 15కి వాయిదాపడగా.. దేశంలో లాక్‌డౌన్‌ని మే 3 వరకూ కేంద్ర ప్రభుత్వం పొడిగించడంతో ఇప్పుడు టోర్నీ జరగడంపైనా సందిగ్ధత నెలకొంది.


Read More:
ధోనీ.. ప్రత్యర్థి కెప్టెన్‌ని బెదరగొడతాడు: హస్సీ

‘‘ధోనీ అద్భుతంగా బ్యాటింగ్ చేస్తున్నాడు. అతనిలో ఇంకా చాలినంత క్రికెట్ మిగిలి ఉంది. ప్రాక్టీస్ సెషన్‌లోనూ ధోనీ కొత్తగా కనిపించాడు. ముఖ్యంగా.. వరుసగా ఐదు సిక్సర్లు.. కొన్ని స్టాండ్స్‌లో పడ్డాయి. ప్రతిరోజూ మూడు గంటల పాటు అదీ చెన్నై వేడిని తట్టుకుని బ్యాటింగ్ చేయడం అంత సులువు కాదు. కానీ.. ధోనీ అలవోకగా బ్యాటింగ్ ప్రాక్టీస్ చేశాడు. అతని వయసు పెరిగినట్లు నాకు ఏమీ అనిపించలేదు. కొత్తగా ఏదో చేయాలని ధోనీ తాపత్రయపడుతున్నాడు’’ అని రైనా వెల్లడించాడు.

Read More:
ఒక్క ఫోన్‌ కాల్ దూరంలో ధోనీ రీఎంట్రీ: చోప్రా

2019 వన్డే ప్రపంచకప్ నుంచి టీమిండియాకి ధోనీ దూరంగా ఉంటుండగా.. 2018లో ఆఖరిగా సురేశ్ రైనా భారత్ తరఫున అంతర్జాతీయ మ్యాచ్‌లు ఆడాడు. దీంతో.. ఈ ఏడాది అక్టోబరులో ఆస్ట్రేలియా వేదికగా టీ20 వరల్డ్‌కప్ జరగనుండగా.. ఈ టోర్నీలో ఆడి రిటైర్మెంట్ ప్రకటించాలని 38 ఏళ్ల ధోనీతో పాటు 33 ఏళ్ల సురేశ్ రైనా ఆశిస్తున్నారు. కానీ.. ఐపీఎల్ 2020 సీజన్ రద్దయితే.. ఈ ఇద్దరి అంతర్జాతీయ క్రికెట్ కెరీర్ ప్రశ్నార్థకంలో పడిపోనుంది.





Source link

Leave a Reply

Your email address will not be published. Required fields are marked *