Suresh Raina: రైనా రీఎంట్రీ కష్టం.. అయినా ఏ స్థానంలో ఆడతాడు..?: బ్రాడ్‌హగ్ – i don’t see suresh raina playing for india again says brad hogg


టీమిండియా టీ20 స్పెషలిస్ట్ బ్యాట్స్‌మెన్ సురేశ్ రైనా మళ్లీ అంతర్జాతీయ క్రికెట్‌లోకి రీఎంట్రీ ఇవ్వడం కష్టమేనని ఆస్ట్రేలియా మాజీ స్పిన్నర్ బ్రాడ్ హగ్ అభిప్రాయపడ్డాడు. 2018లో ఆఖరిగా భారత్ తరఫున మ్యాచ్‌లాడిన సురేశ్ రైనా.. ఆ తర్వాత పేలవ ఫిట్‌నెస్, ఫామ్ కారణంగా జట్టుకి దూరమైపోయాడు. దాంతో.. అతను రెగ్యులర్‌గా ఆడిన నెం.4 స్థానంలో చాలా మంది క్రికెటర్లని పరీక్షించిన టీమిండియా మేనేజ్‌మెంట్.. ఆఖరిగా శ్రేయాస్ అయ్యర్‌, కేఎల్ రాహుల్‌‌లని ఫార్మాట్, మ్యాచ్ గమనానికి అనుగుణంగా ఆ స్థానంలో ఆడిస్తోంది. కానీ.. మళ్లీ టీమిండియాలోకి తాను రీఎంట్రీ ఇస్తానని ఇటీవల సురేశ్ రైనా ధీమా వ్యక్తం చేశాడు.

samayam telugu

భారత్ జట్టులోకి రైనా రీఎంట్రీ అవకాశాలపై బ్రాడ్ హగ్ తాజాగా ఓ ఇంటర్వ్యూలో మాట్లాడుతూ ‘‘టీమిండియా బ్యాటింగ్ లైనప్‌ని ప్రస్తుతం పరిశీలిస్తే..? కెప్టెన్ విరాట్ కోహ్లీ యువ క్రికెటర్లకి ఎక్కువ అవకాశాలిస్తున్నట్లు అర్థమవుతోంది. నెం.4లో గత ఏడాది నుంచి శ్రేయాస్ అయ్యర్ నిలకడగా రాణిస్తున్నాడు. నా అంచనా ప్రకారం టాప్ ఆర్డర్‌లో ఆడిన రైనా.. ఇప్పుడు రీఎంట్రీ ఇచ్చి లోయర్ ఆర్డర్‌లో ఆడతాడా..? కష్టమే. అయితే.. ఒకే ఒక్క దారి ఉంది. అదేంటంటే..? ఓపెనర్ శిఖర్ ధావన్ టీమ్‌కి దూరమవ్వాలి.. అతని స్థానంలో కేఎల్ రాహుల్ ఓపెనర్‌గా ఆడాలి. అప్పుడు టాప్ ఆర్డర్‌లో ఒక స్థానం ఖాళీ అవుతుంది. కానీ.. వ్యక్తిగతంగా రైనాని మళ్లీ టీమిండియాలో నేను చూడాలనుకోవడం లేదు’’ అని వెల్లడించాడు.

టీమిండియాకి దూరమైన తర్వాత ఐపీఎల్, దేశవాళీ క్రికెట్‌లో మాత్రమే ఆడుతున్న సురేశ్ రైనా.. ఐపీఎల్ 2020 సీజన్‌పై గంపెడాశలు పెట్టుకున్నాడు. యూఏఈ వేదికగా సెప్టెంబరు 19 నుంచి నవంబరు 5 వరకూ ఐపీఎల్ మ్యాచ్‌లు జరగనున్నాయి. ఒకవేళ ఈ టోర్నీలో రైనా నిలకడగా రాణించగలిగితే..? టీ20 జట్టులోకి అతను రీఎంట్రీ ఇచ్చే అవకాశం ఉంది.



Source link

Leave a Reply

Your email address will not be published. Required fields are marked *