Suresh Raina Comments: మాజీ చీఫ్ సెలెక్టర్ ఎమ్మెస్కే ప్ర‌సాద్ మాట‌ల‌ను తిప్పి కొట్టిన సురేశ్ రైనా – indian senior cricketer suresh raina gives counter to former chief selector msk prasad


గ‌త కొంత‌కాలంగా సీనియ‌ర్ క్రికెట‌ర్ సురేశ్ రైనాను టీమిండి‌యా సెలెక్ష‌న్‌లోకి ప‌రిగ‌ణన‌‌లోకి తీసుకోవ‌డం లేద‌న్న సంగ‌తి తెలిసిందే. చివ‌రిసారిగా రెండేళ్ల కింద‌ట భార‌త జ‌ట్టు త‌ర‌పున అతను ఆడాడు. రైనా ఫామ్ కోల్పోవ‌డంతోనే అత‌ణ్ని జాతీయ జ‌ట్టులోకి ఎంపిక చేయ‌లేద‌ని భారత మాజీ చీఫ్ సెలెక్టర్ ఎమ్మెస్కే ప్ర‌సాద్ తెలిపిన సంగతి తెలిసిందే. అంత‌కుముందు రైనాను క‌లిసి పున‌రాగ‌మ‌నం గురించి అత‌నికి వివ‌రించినట్లు పేర్కొన్నాడు. అయితే సోష‌ల్ మీడియా వేదికగా ప్ర‌సాద్ చెప్పిన మాట‌ల‌ను రైనా కొట్టిపారేశాడు.


మాజీ క్రికెట‌ర్ ఇర్ఫాన్ ప‌ఠాన్‌తో క‌లిసి సురేశ్ రైనా తాజాగా సోష‌ల్ మీడియాలో అభిమానుల‌తో ముచ్చ‌టించాడు. ఈ సంద‌ర్భంగా ప్ర‌సాద్‌.. త‌న‌తో క‌లిసి మాట్లాడ‌లేద‌ని పేర్కొన్నాడు. తన ఉద్వాసన లేదా రీ ఎంట్రీ గురించి అసలు చర్చించలేదని తెలిపాడు. మరోవైపు జ‌ట్టు నుంచి దూర‌మైన సీనియ‌ర్ ప్లేయ‌ర్ల‌కు మ‌రో అవ‌కాశం క‌ల్పించాల్సిన బాధ్యత సెలెక్టర్లదేనని ఈ సంద‌ర్భంగా రైనా సూచించాడు.


భార‌త వైట్‌బాల్ స్పెష‌లిస్టు క్రికెట‌ర్ అయిన రైనా.. 2018లో టీమిండియా నుంచి ఉద్వాసన‌కు గుర‌య్యాడు. అలాగే గ‌తేడాది మోకాలికి స‌ర్జ‌రీ చేయించుకున్నాడు. మ‌రోవైపు జ‌ట్టు నుంచి ఉద్వాస‌న‌కు గురైన నేపథ్యాల్లో దేశ‌వాళీల్లో నిరూపించుకుని ఎంతోమంది టీమిండియా ఆట‌గాళ్లు జాతీయ‌జ‌ట్టులోకి వ‌చ్చార‌ని రైనాను ఉద్దేశించి ఇటీవ‌లే ప్ర‌సాద్ న‌ర్మ‌గ‌ర్భంగా వ్యాఖ్యానించిన సంగ‌తి తెలిసిందే.



Source link

Leave a Reply

Your email address will not be published. Required fields are marked *