Suriya: ఆకాశం నీ హద్దురా: సూర్యకు డబ్బింగ్ చెప్పిన యంగ్ హీరో – actor satyadev gives voice for suriya in aakaasam nee haddhura


తమిళ స్టార్ సూర్య హీరోగా తమిళంలో రూపొందిన చిత్రం ‘సూరరై పోట్రు’. తెలుగులో విక్టరీ వెంకటేష్‌తో ‘గురు’ లాంటి స్పోర్ట్స్ డ్రామాను తెరకెక్కించిన సుధా కొంగర ఈ చిత్రానికి దర్శకత్వం వహించారు. ఈ సినిమాను తెలుగులో ‘ఆకాశం నీ హద్దురా!’ టైటిల్‌తో విడుదల చేస్తున్నారు. అపర్ణ బాలమురళి హీరోయిన్‌గా నటించింది. డైలాగ్ కింగ్ మోహన్ బాబు కీలక పాత్ర పోషించారు. సిఖ్యా ఎంటర్‌టైన్మెంట్ సౌజన్యంతో 2డి ఎంటర్‌టైన్మెంట్ బ్యానర్‌పై సూర్య స్వయంగా ఈ సినిమాను నిర్మించారు.

ఎయిర్ డెక్కన్ వ్యవస్థాపకుడు జీఆర్ గోపీనాథ్ జీవితం ఆధారంగా ఈ సినిమాను తెరకెక్కించారు దర్శకురాలు సుధా కొంగర. ప్రముఖ బాలీవుడ్ నటుడు జాకీ ష్రాఫ్ వినోద్ మాల్యా అనే పాత్రలో నటించారు. సూర్యకు మెంటర్‌గా, ఎయిర్ వింగ్ కమాండర్ భక్తవత్సలం నాయుడుగా మోహన్‌ బాబు కనిపిస్తారు. ఈ సినిమాను ఇప్పటికే విడుదల చేయాల్సింది. అయితే, లాక్‌డౌన్ కారణంగా కుదరలేదు. లాక్‌డౌన్ ఎత్తివేసిన తరవాత థియేటర్లు తెరుచుకునే సమయానికి సినిమాను విడుదల చేసేలా ప్లాన్ చేస్తున్నారు.

Also Read:‘రాక్షసుడు’ దర్శకుడితో రవితేజ.. క్లారిటీ ఇచ్చిన నిర్మాత

ఇదిలా ఉంటే, ఈ సినిమా తెలుగు డబ్బింగ్ కార్యక్రమాలను పూర్తిచేశారట. తెలుగులో సూర్యకు యంగ్ హీరో సత్యదేవ్ చెప్పారని తెలిసింది. సత్యదేవ్ వాయిస్‌లో ఒక బేస్ ఉంటుంది. ఆయన డైలాగ్ డెలివరీ చాలా బాగుంటుంది. కాబట్టి ఆయన వాయిస్ సూర్యకు చక్కగా సరిపోతుందని అంటున్నారు. ‘గ్యాంగ్’ సినిమాలో సూర్య సొంతంగా డబ్బింగ్ చెప్పుకున్నారు. కానీ, సరిగా కుదరలేదు. దీంతో ఈసారి ఆయన డబ్బింగ్‌పై కూడా దృష్టి పెట్టారట. అందుకే, సత్యదేవ్ వాయిస్ తనకు బాగా సరిపోతుందని ఆయనతో చెప్పించారని సమాచారం.

samayam telugu

సత్యదేవ్



Source link

Leave a Reply

Your email address will not be published. Required fields are marked *