swiggy: 1100 మంది ఉద్యోగుల్ని తొలగించిన స్విగ్గీ – corona effect swiggy announces layoffs 1100 staff


కరోనా వైరస్ కారణంగా విధించిన లాక్ డౌన్‌తో అనేక సంస్థలు తమ ఉద్యోగుల్ని తీసివేస్తున్నాయి. తాజాగా ఆన్ లైన్ ఫుడ్ డెలివరీ కంపెనీలు ఉద్యోగుల్ని తొలగిస్తున్నాయి. లాక్‌డౌన్‌ కొనసాగుతున్న వేళ యాజమాన్యాలు ఉద్యోగులకు ఊహించని షాక్‌ ఇస్తున్నాయి. ఇప్పటికే ప్రస్తుతం నెలకొన్న పరిస్థితుల్లో తీవ్ర ఇబ్బందులు ఎదుర్కొంటున్న ఆన్‌లైన్‌ పుడ్‌ డెలివరీ సంస్థ జొమాటో 13శాతం ఉద్యోగులను తీసివేసింది. తాజాగా స్విగ్గీ కూడా ఉద్యోగుల్ని తీసివేసింది.

దేశవ్యాప్తంగా లాక్ డౌన్ 4.0 ఇవాళ్టి నుంచి ప్రారంభమైన సమయంలో స్విగ్గీ ఉద్యోగులకు బ్యాడ్ న్యూస్ వచ్చింది. రాబోయే కొన్ని రోజుల్లో 1,100మంది ఉద్యోగులను తొలగించనున్నట్లు ప్రముఖ ఫుడ్ డెలివరీ కంపెనీ స్విగ్గీ సోమవారం(మే-18,2020)ప్రకటించింది. ఊహించనివిధంగా ఉద్యోగాల తగ్గింపు ప్రక్రియను చేపట్టాల్సి రావడం…ఈ రోజు స్విగ్గీకి విచారకరమైన రోజులలో ఒకటి అని స్విగ్గీ సహ వ్యవస్థాపకుడు,సీఈవో శ్రీహర్ష మజీతీ.. తమ ఉద్యోగులకు ఇవాళ పంపిన ఈ మెయిల్ లో పేర్కొన్నాడు. అంతేకాకుండా అస్థిరంగా ఉన్నా చోట తమ వ్యాపారాన్ని రానున్న 18 నెలల పాటు మూసివేయనున్నట్లు స్విగ్గీ CEO తెలిపారు.

కరోనా కారణంగా తమ వ్యాపారం తీవ్రంగా దెబ్బతిన్నట్లు తెలిపారు. ఎంతకాలం ఈ అనిశ్చితి కొనసాగుతుందో ఎవ్వరికీ తెలియదని, అయితే తక్కువ కాలం దీని ప్రభావం స్విగ్గీపై దీని ప్రభావం తక్కువ కాలం ఉంటుందని ఆశిస్తున్నట్లు ఉద్యోగులకు పంపిన ఈ మెయిల్ లో స్విగ్గీ సీఈవో తెలిపారు. కోవిడ్ కారణంగా… గత రెండు నెలలుగా ఆన్ లైన్ ఫుడ్ డెలివరీ 60-70% తగ్గింది. ఎందుకంటే చాలా రెస్టారెంట్లు హోటల్స్ లాక్ డౌన్ కారణంగా మూసివేశారు. దీంతో జనం ఫుడ్ కావాలన్న ఆన్ లైన్‌లో ఆర్డర్ చేయలేని పరిస్థితి నెలకొంది. అంతేకాకుండా సంక్షోభంతో రానున్న కాలంలో 10 రెస్టారెంట్లలో 4 రెస్టారెంట్లు మూతపడతాయని పలు సంస్థల యాజమాన్యాలు చెబుతున్నారు.



Source link

Leave a Reply

Your email address will not be published. Required fields are marked *