syllabus reduce: సిలబస్ నుంచి తొలగించేది ఈ పాఠాలా.. కేంద్రం నిర్ణయంపై తీవ్ర విమర్శలు – secularism, nationalism, gst among chapters reduced in cbse syllabus


రోనా వైరస్ కట్టడి కోసం విధించిన లాక్‌డౌన్‌తో విద్యాసంవత్సరంలో కొంత సమయం కోల్పోయిన వేళ కేంద్ర ప్రభుత్వం సిలబస్ తగ్గిస్తూ కీలక నిర్ణయం తీసుకున్న తెలిసిందే. 30 శాతం సిలబస్ తగ్గించి విద్యార్థులపై భారం తగ్గించాల్సిందిగా సీబీఎస్‌ఈని కేంద్ర మానవ వనరుల అభివృద్ధి శాఖ మంగళవారం (జులై 7) ఆదేశించింది. తాజాగా తొలగించే అంశాలకు సంబంధించిన వివరాలు కూడా వెలుగువచ్చాయి. వీటిలో ప్రజాస్వామ్య హక్కులు, సమాఖ్య విధానం, లౌకికవాదం లాంటి కీలక అంశాలు కూడా ఉండటంతో ప్రతిపక్షాలు ఆశ్చర్యం వ్యక్తం చేస్తున్నాయి. మోదీ ప్రభుత్వంపై ఘాటు విమర్శలు చేస్తున్నాయి.

సమాఖ్య విధానం, లౌకికవాదం అంశాలను సిలబస్‌ నుంచి తొలగించడం తనను షాక్‌ గురిచేసిందని పశ్చిమ బెంగాల్‌ ముఖ్యమంత్రి మమతా బెనర్జీ విమర్శించారు. ఈ నిర్ణయంపై ఆమె తీవ్ర అభ్యంతరం వ్యక్తం చేశారు. ఎట్టి పరిస్థితుల్లోనూ ముఖ్యమైన అంశాలను సిలబస్‌ నుంచి తొలగించుకుండా చూడాలని కేంద్ర మానవ వనరుల మంత్రిత్వ శాఖను కోరారు.

కాంగ్రెస్‌ సీనియర్‌ నేత, తిరునంతపురం ఎంపీ శశి థరూర్ కూడా ఈ అంశంపై ఘాటు వ్యాఖ్యలు చేశారు. ‘ప్రజాస్వామ్యం, వైవిధ్యత, లౌకికవాదం లాంటి అంశాలు భవిష్యత్‌ తరాలకు అందించాల్సిన అంశాలు కాదని భావించారా?’ అని ట్విటర్‌ వేదికగా ఆయన ప్రశ్నించారు.

కాంగ్రెస్‌కు చెందిన మరో సీనియర్ నేత జైరాం రమేశ్‌.. మోదీ ప్రభుత్వంపై సెటైర్లు వేశారు. ‘మొత్తం రాజనీతి శాస్త్రంపైనే డిగ్రీ పట్టా పుచ్చుకోవాలనుకుంటున్న ఓ వ్యక్తి నేతృత్వంలోని ప్రభుత్వం నుంచి ఇంతకంటే ఏం ఆశించగలం’ అని ఆయన ఎద్దేవా చేశారు. పరోక్షంగా మోదీ ప్రభుత్వంపై విమర్శలు కురిపించారు.

కరోనా లాక్‌డౌన్ కారణంగా పాఠశాలలు నడపలేని పరిస్థితి నెలకొనడంతో కేంద్ర ప్రభుత్వం 2020-21 విద్యా సంవత్సరానికి సీబీఎస్‌ఈ 9 నుంచి 12వ తరగతుల సిలబస్‌ను 30 శాతం మేర తగ్గించాలని కేంద్రం సూచించింది. విద్యార్థుల అభ్యాస లక్ష్యాల ప్రాధాన్యాన్ని దృష్టిలో ఉంచుకొని ముఖ్యమైన అంశాలను కొనసాగించాలని ఆధికారులకు సూచించారు.



Source link

Leave a Reply

Your email address will not be published. Required fields are marked *