T20 World Cup: టీ20 ప్రపంచకప్ భవితవ్యంపై తేల్చేయనున్న ఐసీసీ – icc will discuss about t20 world cup in their meeting on may 28


క‌రోనా వైర‌స్ వ్యాప్తి నేప‌థ్యంలో టీ20 ప్ర‌పంచ‌క‌ప్ నిర్వ‌హ‌ణ‌పై త్వ‌ర‌లోనే ఐసీసీ తేల్చ‌బోనుంది. ఈనెల 28న జ‌రిగే స‌మావేశంలో దీనిపై చ‌ర్చించ‌నున్నారు. ముఖ్యంగా టోర్నీ వాయిదాపైనే ప్ర‌ధాన చ‌ర్చ జ‌రుగనున్నట్లు తెలుస్తోంది. ఆస్ట్రేలియాలో అక్టోబ‌ర్‌లో ఈ టోర్నీ జ‌ర‌గాల్సి ఉంది. అయితే క్రికెట్ కార్య‌క‌లాపాలు పుంజుకునే క్ర‌మంలో టోర్నీ నిర్వ‌హ‌ణ‌పై మూడు అవ‌కాశాల‌ను ప‌రిశీలిస్తున్న‌ట్లు తెలుస్తోంది. ప్లేయ‌ర్లంద‌రినీ క్వారంటైన్‌లో ఉంచిన అనంత‌రం ప్రేక్ష‌కుల సమక్షంలో టోర్నీని నిర్వ‌హించాల‌ని ఐసీసీ భావిస్తోంది.


అలాగే ఖాళీ స్టేడియంలో టోర్నీని నిర్వ‌హించ‌డంతోపాటు ఎడిషన్‌ను 2022కు వాయిదా వేయాల‌నే మ‌రో రెండు ప్ర‌త్య‌మ్నాయాల‌ను బోర్డు మీటింగ్‌లో చ‌ర్చించ‌నున్న‌ట్లు తెలుస్తోంది. ఇక టోర్నీని రెండేళ్ల‌కు వాయిదా వేయడంపై కూడా ఆతిథ్య ఆస్ట్రేలియాకు కూడా అంత‌గా అభ్యంత‌రం లేనట్లు తెలుస్తోంది. ప్ర‌స్తుత ప‌రిస్థితుల్లో టోర్నీ నిర్వ‌హ‌ణ క‌న్నా ద్వైపాక్షిక సిరీస్ వైపే మొగ్గు చూప‌నున్న‌ట్లు స‌మాచారం. మరోవైపు ఐసీసీ చైర్మన్ శశాంక్ మనోహర్ పదవీ కాలంపై కూడా ఈ సమావేశంలో నిర్ణయించనున్నారు.


అలాగే టోర్నీ వాయిదా ప‌డితే ఇండియ‌న్ ప్రీమియ‌ర్ లీగ్ (ఐపీఎల్‌)తో వివిధ ద్వైపాక్షిక సిరీస్‌లు నిర్వ‌హించుకునే అవ‌కాశ‌ముంది. ముఖ్యంగా టీ20 టోర్నీ కంటే కూడా భారత ప‌ర్య‌ట‌న‌పైనే ఆసీస్ బోర్డు దృష్టి పెడుతున్న‌ట్లు తెలుస్తోంది. ఈ టూర్ జ‌రిగితే పీక‌ల్లోతు క‌ష్టాల్లో ఉన్న ఆసీస్ బోర్డు.. ఆర్థికంగా కుదుట ప‌డుతామ‌ని భావిస్తోంది. మ‌రోవైపు టోర్నీని రెండేళ్ల త‌ర్వాత నిర్వ‌హించిన త‌మ‌కేమీ న‌ష్టం లేద‌ని ఐసీసీ కూడా భావిస్తున్నట్లు తెలుస్తోంది.



Source link

Leave a Reply

Your email address will not be published. Required fields are marked *