T20 World Cup : టీ20 వరల్డ్‌కప్ భవితవ్యం తేలిది అప్పుడే..! – international cricket council will wait till august to take call on t20 world cup


కరోనా వైరస్ కారణంగా క్రీడారంగం కుదేలైపోయింది. ఇప్పటికే ప్రపంచవ్యాప్తంగా టోర్నీలన్నీ రద్దవడం లేదా వాయిదాపడటం జరిగిపోగా.. ఆస్ట్రేలియా వేదికగా అక్టోబరులో జరగాల్సిన టీ20 వరల్డ్‌కప్‌పై మాత్రం ఐసీసీ ఎలాంటి నిర్ణయం తీసుకోలేకపోతోంది. షెడ్యూల్ ప్రకారం అక్టోబరు 18 నుంచి నవంబరు 15 వరకూ టీ20 వరల్డ్‌కప్ జరగాల్సి ఉండగా.. కరోనా వైరస్ కారణంగా సెప్టెంబరు 30 వరకూ పర్యాటక వీసాల్ని ఆస్ట్రేలియా ప్రభుత్వం రద్దు చేసింది. ఒకవేళ అప్పటిలోపు ఆ దేశంలో పరిస్థితులు అదుపులోకి రాకపోతే..? ఆ ఆంక్షల్ని మరింతగా పొడిగించే అవకాశం ఉంది. ఈ నేపథ్యంలో.. టీ20 వరల్డ్‌కప్‌ని నిర్వహించాలా..? లేదా వాయిదా వేయాలా..? అనేదానిపై ఐసీసీ క్లారిటీకి రాలేకపోతోంది.


Read More:
6, 6, 6, 6, 6, 6.. కారణం ఫ్లింటాఫ్ బెదిరింపులే: యువరాజ్

టీ20 వరల్డ్‌కప్‌కి ఇంకా ఆరు నెలలు సమయం ఉండటంతో ఐసీసీ వేచిచూసే ధోరణిలో ఉందని తెలుస్తోంది. ఈ మేరకు ఐసీసీ అధికార ప్రతినిధి ఒకరు తాజాగా మీడియాతో మాట్లాడుతూ ఆగస్టులో టోర్నీ నిర్వహణపై తుది నిర్ణయం తీసుకుంటామని ప్రకటించాడు. దీంతో.. అప్పటి వరకూ ఎలాంటి ప్రకటన ఉండబోదని స్పష్టమైంది. టీ20 వరల్డ్‌కప్ వాయిదాపడితే.. అక్టోబరు- నవంబరు మధ్యకాలంలో ఐపీఎల్ 2020 సీజన్‌ని నిర్వహించాలని బీసీసీఐ యోచిస్తోంది.

Read More:
వరల్డ్‌కప్ కంటే ఐపీఎల్‌కే ఐసీసీ ప్రాధాన్యత: పాక్ క్రికెటర్



‘‘క్రీడా ప్రపంచం ప్రస్తుతం క్లిష్ట పరిస్థితుల్ని ఎదుర్కొంటోంది. కానీ.. ప్రజల ఆరోగ్యానికే మా మొదటి ప్రాధాన్యత. రాబోవు రెండు మూడు నెలల్లో పరిస్థితులు మెరుగుపడితే..? టీ20 వరల్డ్‌కప్‌ని నిర్వహించాలా లేదా వాయిదా వేయాలా అనేదానిపై నిర్ణయం తీసుకుంటాం. అయితే.. ఆగస్టులోపు వరల్డ్‌కప్‌పై ఎలాంటి నిర్ణయం తీసుకోబోం. కాబట్టి.. అప్పటి వరకూ టీ20 వరల్డ్‌కప్‌పై ప్రకటన కోసం ఎవరూ వేచిచూడొద్దు’’ అని ఐసీసీ అధికారి తెలిపారు.





Source link

Leave a Reply

Your email address will not be published. Required fields are marked *