T20 World Cup 2020 schedule: టీ20 వరల్డ్‌కప్‌ నిర్వహణ ఆస్ట్రేలియాకి ప్రమాదకరం: సీఏ సీఈవో – 2020 t20 world cup schedule under ‘very high risk’ says ca ceo kevin roberts


ఆస్ట్రేలియా గడ్డపై ఈ ఏడాది అక్టోబరులో టీ20 వరల్డ్‌కప్ నిర్వహించడం ఆ దేశానికి ప్రమాదకరమని క్రికెట్ ఆస్ట్రేలియా (సీఏ) సీఈవో కెవిన్ రోబర్ట్స్ అభిప్రాయపడ్డాడు. షెడ్యూల్ ప్రకారం అక్టోబరు 18 నుంచి నవంబరు 15 వరకూ టీ20 వరల్డ్‌కప్ జరగాల్సి ఉండగా.. కరోనా వైరస్ కారణంగా ఆ టోర్నీని వాయిదా వేయాలని ఐసీసీ ప్రాథమికంగా నిర్ణయించుకుంది. దానికి కారణం టోర్నీకి ఈ ఏడాది ఆతిథ్యమిచ్చేందుకు ఆస్ట్రేలియా వెనక్కి తగ్గడమేనని తెలుస్తోంది.

Read More: భారత్ vs ఆస్ట్రేలియా సుదీర్ఘ సిరీస్ షెడ్యూల్ విడుదల

ప్రపంచంలోని అగ్రశ్రేణి దేశాలతో పోలిస్తే ఆస్ట్రేలియాలో కరోనా వైరస్ పాజిటివ్ కేసుల సంఖ్య తక్కువే. ఇప్పటి వరకూ ఆ దేశంలో 7,165 మంది కరోనా వైరస్ బారిన పడగా.. 6,580 మంది కోలుకున్నారు. కానీ.. 103 మంది మాత్రం చనిపోయారు. మరోవైపు భారత్‌లో ఇప్పటికే కరోనా వైరస్ పాజిటివ్ కేసులు 1,65,799కి చేరుకోగా.. 71,206 మంది కోలుకున్నారు. ఇక 4,711 మంది చనిపోయారు. మార్చి నెలలోనే అప్రమత్తమైన ఆస్ట్రేలియా ప్రభుత్వం.. సెప్టెంబర్ వరకూ పర్యాటక వీసాల్ని రద్దు చేసిన విషయం తెలిసిందే.

Read More:టీ20 వరల్డ్‌కప్ ఫైనల్లో 6, 6, 6.. భజ్జీ పశ్చాతాపం
‘‘అక్టోబరు – నవంబరు నాటికి పరిస్థితులు అదుపులోకి వస్తాయని అప్పట్లో ఆశించాం. కానీ.. ప్రపంచ వ్యాప్తంగా ఉన్న సంక్లిష్ట పరిస్థితుల దృష్ట్యా 16 క్రికెట్ జట్లని ఆస్ట్రేలియాలోకి అనుమతించడం చాలా రిస్క్‌తో కూడుకున్నది. కాబట్టి.. టీ20 వరల్డ్‌కప్‌ని షెడ్యూల్ ప్రకారం నిర్వహించలేం. వచ్చే ఏడాది ఫిబ్రవరి- మార్చి లేదా అక్టోబరు – నవంబరు నెలల్లో టోర్నీని నిర్వహించేందుకు ఉన్న అవకాశాల్ని పరిశీలిస్తాం’’ అని క్రికెట్ ఆస్ట్రేలియా (సీఏ) సీఈవో కెవిన్ రోబర్ట్స్ వెల్లడించాడు.



Source link

Leave a Reply

Your email address will not be published. Required fields are marked *