t20 world cup postponed: టీ20 వరల్డ్‌కప్ 2022కి వాయిదా..? ఐపీఎల్ 2020‌కి లైన్ క్లియర్ – t20 world cup 2020 to be rescheduled to 2022: icc sources


ఆస్ట్రేలియా వేదికగా ఈ ఏడాది అక్టోబరు – నవంబరు జరగాల్సిన టీ20 వరల్డ్‌కప్‌ని 2022కి అంతర్జాతీయ క్రికెట్ కౌన్సిల్ (ఐసీసీ) వాయిదా వేయబోతున్నట్లు వార్తలు వస్తున్నాయి. కరోనా వైరస్ కారణంగా సెప్టెంబరు వరకూ పర్యాటక వీసాలపై ఆస్ట్రేలియా ప్రభుత్వం నిషేధం విధించగా.. అక్టోబరులో 16 జట్లు ఆ దేశానికి వెళ్లడం.. ఆ తర్వాత క్వారంటైన్… ఖాళీ స్టేడియాల్లో టోర్నీని నిర్వహించడం కష్టమని క్రికెట్ ఆస్ట్రేలియా (సీఏ) తేల్చేసింది. దాంతో.. టోర్నీని వాయిదా వేయడం మినహా మరో ప్రత్యామ్నాయం ఐసీసీ ముందు లేకపోయింది.

Read More: ఫైనల్లో సచిన్ ఔట్‌కి ధోనీ ప్లాన్ : మాజీ స్పిన్నర్ జకాతి

అక్టోబరు -నవంబరులో టీ20 వరల్డ్‌కప్‌ని వాయిదా వేసి వచ్చే ఏడాది మార్చి – ఏప్రిల్‌లో ఆ టోర్నీని నిర్వహించాలని ఐసీసీ తొలుత భావించింది. కానీ.. 2021 ఐపీఎల్ సీజన్‌ని అదే మార్చి – ఏప్రిల్ విండోలో భారత క్రికెట్ నియంత్రణ మండలి (బీసీసీఐ) ఏటా నిర్వహిస్తున్న విషయం తెలిసిందే. దాంతో.. పునాలోచించుకున్న ఐసీసీ 2022లో ఈ ఏడాది నిర్వహించాల్సిన టీ20 వరల్డ్‌కప్‌ని ఆస్ట్రేలియా గడ్డపైనే నిర్వహించాలని నిర్ణయించుకున్నట్లు వార్తలు వస్తున్నాయి. ఇక 2021లో భారత్‌ వేదికగా జరగాల్సిన టీ20 ప్రపంచకప్‌ షెడ్యూల్‌‌లో ఎలాంటి మార్పులు ఉండబోవని సమాచారం.

Read More: విరాట్ కోహ్లీ 180 డిగ్రీ షాట్.. టాప్ ఎక్సర్‌సైజ్

ఈ ఏడాది టీ20 వరల్డ్‌కప్ వాయిదాపడితే ఆ అక్టోబరు – నవంబరు విండోలో ఐపీఎల్ 2020 సీజన్‌ని నిర్వహించాలని బీసీసీఐ ఆశిస్తోంది. ఈ మేరకు ఐసీసీ సభ్య క్రికెట్ దేశాల మద్దతుని కూడా ఇప్పటికే బీసీసీఐ కూడగట్టుకుంది. ఈ నెల 28న సభ్య దేశాలతో టీ20 వరల్డ్‌కప్ వాయిదా విషయమై చర్చించనున్న.. ఐసీసీ అధికారికంగా నిర్ణయాన్ని ప్రకటించనుంది.



Source link

Leave a Reply

Your email address will not be published. Required fields are marked *