tablighi jamaat hyderabad : తబ్లీగీలకు ఆశ్రయం.. హైదరాబాద్‌లో 11 మందిపై కేసు నమోదు – hyderabad police booked 11 for providing shelter to tablighi jamaat attendees


తబ్లీగ్ జమాత్‌కు వెళ్లొచ్చిన వారికి ఆశ్రయం ఇచ్చారనే అభియోగంతో.. తబ్లీగ్ జమాత్ తెలంగాణ ఇంఛార్జ్ ఇక్రమ్ అలీతో సహా 11 మందిపై పోలీసులు కేసు నమోదు చేశారు.

Ravi Kumar |
Samayam Telugu | Updated:

Representative Image

జమాత్ మర్కజ్.. ఇప్పుడు దేశవ్యాప్తంగా అందరికీ సుపరిచితమైన పేరు ఇది. ఇక్కడికి ప్రార్థనలకు వెళ్లొచ్చిన వారి కారణంగానే దేశంలో కరోనా కేసుల సంఖ్య అనూహ్యంగా పెరిగిందని కేంద్రం ప్రకటించింది. అక్కడికి వెళ్లొచ్చిన వారు ఎవరైనా స్వచ్ఛందంగా హాస్పిటళ్లకు రావాలని ఢిల్లీ వెళ్లొచ్చిన వారిని ప్రభుత్వాలు పదే పదే కోరుతున్నాయి. భయమో, లేదంటే నలుగురు చులకనగా చూస్తారనే భావన కారణమో తెలీదు కానీ కొందరు మాత్రం తాము ఢిల్లీ వెళ్లొచ్చామని చెప్పడం లేదు. దీంతో ఇంటెలిజెన్స్ ద్వారా సమాచారం సేకరించి వారిని క్వారంటైన్‌కు తరలిస్తున్నారు. ఈ క్రమంలోనే జమాత్‌కు వెళ్లొచ్చిన వారికి ఆశ్రయించిన కల్పించిన 11 మందిపై హైదరాబాద్‌లోని హబీబ్ నగర్ పోలీసులు కేసులు నమోదు చేశారు.


తబ్లీగ్ జమాత్ తెలంగాణ ఇంఛార్జ్ ఇక్రమ్ అలీతో పాటు మరో 10 మందిపై పోలీసులు క్రిమినల్ కేసులు నమోదు చేశారు. మార్చి నెలలో జమాత్ ప్రార్థనలకు వెళ్లొచ్చిన వారికి తెలంగాణ తబ్లీగ్ జమాత్ అధ్యక్షుడు ఇక్రమ్ అలీ ఆశ్రయం కల్పించారు. తెలంగాణలో మరెక్కడా లేని రీతిలో ఇక్కడ ఎక్కువ మందికి ఆశ్రయం కల్పించారు.

ఇక్కడ ఆశ్రయం పొందిన అందరికీ అధికారులు కరోనా టెస్టులు నిర్వహించారు. ఇక్రమ్‌తో సహా పలువుర్ని క్వారెంటైన్‌కు తరలించారు. ఆశ్రయం ఇచ్చిన 11 మంది పై ఎపిడమిక్ డిసీజెస్ యాక్ట్‌లోని 188, 269, 270 సెక్షన్‌ల కింద హబీబ్ నగర్ పోలీసులు కేసు నమోదు చేశారు.

కాగా తాము నిబంధనలను ఉల్లంఘించలేదని, ఎవరికి తాము ఆశ్రయం కల్పించలేదని ఇక్రమ్ స్పష్టం చేశారు. చట్టానికి వ్యతిరేకంగా తాము వ్యవహరించలేదన్నారు.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title hyderabad police booked 11 for providing shelter to tablighi jamaat attendees

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *