Tablighi Jamaat members: పదేళ్ల నిషేధం.. 2200 మంది తబ్లిగీ జమాత్ సభ్యులకు కేంద్రం షాక్ – above 2200 foreigners blacklisted for 10 years to travel india for involvement in tablighi jamaat activities


భారత్‌లో కరోనా కేసుల వ్యాప్తి అంతంతమాత్రంగానే ఉన్న దశలో ఢిల్లీలోని నిజాముద్దీన్‌లో నిర్వహించిన మర్కజ్ మత కార్యక్రమం సృష్టించిన కలకలం అంతా ఇంతా కాదు. దేశంలోని దాదాపు అన్ని రాష్ట్రాల నుంచి ప్రతినిధులు ఈ కార్యక్రమంలో పాల్గొన్నారు. వీరి ద్వారా దేశమంతా కరోనా వైరస్ వ్యాపించింది. పర్యాటక వీసాపై భారత్‌కు వచ్చిన కొంత మంది విదేశీయులు నిబంధనలకు విరుద్ధంగా ఈ మత కార్యక్రమంలో పాల్గొన్నారు. దేశంలో కరోనా విలయానికి కారణమయ్యారు. ఈ నేపథ్యంలో కేంద్ర ప్రభుత్వం కీలక నిర్ణయం తీసుకుంది.

2200కు పైచిలుకు విదేశీయులను కేంద్ర ప్రభుత్వం బ్లాక్ లిస్టులో పెట్టింది. వీరు పదేళ్ల పాటు భారత్‌లోకి రాకుండా నిషేధం విధించింది. వీరంతా నిబంధనలకు విరుద్ధంగా మర్కజ్‌ భవన్‌లో జరిగిన మత కార్యక్రమంలో పాల్గొన్నట్లు ప్రభుత్వం గుర్తించింది.

ఢిల్లీ మత సమావేశం అనంతరం పలువురు తబ్లిగీ కార్యకర్తలు దేశంలోని వివిధ ప్రాంతాల్లో జరిగిన కార్యక్రమాల్లో పాల్గొన్నారు. దీంతో కరోనా కేసులు ఇబ్బడి ముబ్బడిగా పెరిగాయి. మే 13 నుంచి 17 మధ్య ఢిల్లీలోని నిజాముద్దీన్‌లో ఈ కార్యక్రమం జరిగింది. అనంతరం ఒక్కసారిగా కేసులు అనూహ్యంగా పెరిగాయి.

Also Read:షాక్! భారత్‌లో కరోనా వైరస్ 198 రకాలుగా రూపాంతరం



Source link

Leave a Reply

Your email address will not be published. Required fields are marked *