Tamannaah Bhatia: ఖరీదైన లెహంగాలో తమన్నా తళుక్కు.. దీని ధర తెలిస్తే కళ్లు తిరుగుతాయ్! – tamannaah bhatia wore the most expensive cotton lehenga ever


మిల్కీ బ్యూటీ తమన్నా.. ఏ డ్రస్ ధరించినా భలే అందంగా ఉంటుంది. కైపెక్కించే అందం.. ఒంపు సొంపులను సొంతం చేసుకున్న ఈ పాలరాతి శిల్పం.. ఇటీవల ఓ అద్భుతమైన కాటన్ లెంహంగాలో మెరిసింది. అంతే.. అందరి చూపు ఆమెపైనే పడింది. ఆ డ్రస్ చూసిన అమ్మాయిలు.. వారెవ్వా తమన్నా ఆ డ్రస్ మా సొంతమైతే ఎంత బాగుంటుందని తెగ ఫీలైపోతున్నారు. ఎందుకంటే అది సాదాసీదా లెహంగా కాదండోయ్. అత్యంత ఖరీదైన ప్యూర్ కాటన్ లెహంగా. ఖరీదైన లెహంగాలో తమన్నా తళుక్కు.. దీని ధర తెలిస్తే కళ్లు తిరుగుతాయ్!

డిజైనర్ల అద్భుత సృష్టి

ఒకప్పుడు ఫ్యాషన్ ప్రపంచంలో తనకంటూ ప్రత్యేకత ఏర్పరుచుకున్న తమన్నా.. చిన్న వయస్సులోనే సినిమాల్లో ఛాన్సులు కొట్టేసిన సంగతి తెలిసిందే. చిన్న ప్రకటనల్లో తళుకులీనిన ఈ తార మరోసారి తన ఫ్యాషన్ లైఫ్‌ను రిపీట్ చేస్తోంది. డిజైనర్లు సుక్రుతీ, అక్రుతీలు రూపొందించిన ఊదా (Purple) లేదా వంకాయ రంగు లెహంగాలో.. తమ్మూ తన కిల్లింగ్ లుక్‌తో కిర్రాక్ పుట్టించింది. (Image Credit: tamannaahspeaks/Instagram)

ఎలా రూపొందించారంటే..

ఈ లెహంగాను ఆర్గానిక్ కాటన్‌తో తయారు చేశారు. రంగు రంగుల దారాలతో దీన్ని ఎంతో చక్కగా ఎంబ్రాయిడరీ చేశారు. అంతేగాక.. మెరుపులీనేలా చిన్ని చిన్ని అద్దాలతో మైమరపించే లుక్‌ను అందించారు. ఇలాంటి లెహంగాలు చాలా అరుదుగా లభిస్తుంటాయి. వీటిని కేవలం ఆర్డర్ ద్వారానే వీటిని తయారు చేయించుకోవాలి. ఈ నేపథ్యంలో తమన్నా ధరించిన ఈ లెహంగా ఖరీదును తెలుసుకొనేందుకు ప్రయత్నించాం. ఈ సందర్భంగా అదే ఫీచర్స్‌తో తెల్ల రంగు లెహంగా ఒకటి ఓ వెబ్‌సైట్‌లో కనిపించింది. (Image Credit: tamannaahspeaks/Instagram)

ప్రాచీన కాలం నాటి కాటన్‌తో

ఇండియాలోనే తయారైన ఈ నియో-పుల్కారీ కలెక్షన్‌ను తయారు చేసింది కూడా అదే డిజైనర్లు. ఇందులోనే స్వల్ప మార్పులు చేసి.. దాన్ని మరింత అందమైన లుక్ ఇచ్చేలా రూపొందించారు. పుల్కారీ అనేది ప్రాచీన కాలం నాటి కాటన్. దీన్ని ఉత్పత్తి ఇప్పుడు చాలా తక్కువ. అందుకే.. ఈ లెహంగా ఖరీదు అంత భారీగా ఉంది. అన్నట్లు.. దీని ధర ఎంతో చెప్పలేదు కదూ. ఆ వెబ్‌సైట్లో పేర్కొన్న వివరాల ప్రకారం.. దీని ధర రూ.63,840. ఈ ధర చూడగానే కళ్లు తిరిగాయి కదూ. (Image Credit: tamannaahspeaks/Instagram)

తమ్మూకి భలే అందాన్ని ఇచ్చింది

మిల్కీ స్కిన్ టోన్ వల్ల తమన్నాకు ఈ ఊదా రంగు లెహంగా భలే అందాన్ని ఇచ్చింది. దసరా, దీపావళి నేపథ్యంలో ఇలాంటి వస్త్రాలకు మాంచి డిమాండ్ ఉంది. అయితే, ఇది ఖరీదైన కాటన్‌తో తయారు చేయడం వల్ల ధర ఆ స్థాయిలో ఉంది. ఈ డిజైన్‌కు డిమాండ్ పెరిగితే.. వేరే మెటీరియల్‌తో ఈ దీపావళికి ఇలాంటివి అందుబాటులోకి రావచ్చేమో. (Image Credit: tamannaahspeaks/Instagram)



Source link

Leave a Reply

Your email address will not be published. Required fields are marked *