tamil nadu gang rape: ప్రియుడిని కట్టేసి యువతిపై గ్యాంగ్ రేప్.. ఆపై వీడియోలతో బ్లాక్‌మెయిల్ – women gang raped by three men infront of boy friend in tamil nadu


తమిళనాడులో దారుణ ఘటన వెలుగుచూసింది. నిర్మానుష్య ప్రాంతంలో ఏకాంతంగా గడుపుతున్న ప్రేమజంటపై కొందరు దుండగులు అఘాయిత్యానికి పాల్పడ్డారు. ప్రియుడిని తీవ్రంగా కొట్టి యువతిపై సామూహిక అత్యాచారానికి పాల్పడ్డారు. అంతటితో ఆగకుండా ఆ దారుణాన్ని సెల్‌ఫోన్లో వీడియో తీసి వారి వద్దనున్న నగలు, నగదు దోచుకున్నారు. ఈ విషయాన్ని ఎవరికైనా చెబితే ఆ వీడియోలు బయటపెడతామని బెదిరించారు.

Also Read: 35 కత్తిపోట్లు, తల నరికి.. తమిళనాడులో యువకుడి దారుణహత్య

తమిళనాడులోని పుదుక్కోటై జిల్లాలోని విరాలిమలై ప్రాంతంలో గల ఓ సంస్థలో యువతి, యువకుడు పనిచేస్తున్నారు. వీరిద్దరిది ఒకే ఊరు కావడం, ఒకే కంపెనీలో పని చేస్తుండటంతో ప్రేమలో పడ్డారు. అయితే లాక్‌డౌన్ కారణంగా రెండు నెలలుగా ఆఫీస్ మూతపడటంతో ప్రేమజంట కలుసుకోలేకపోయారు. కొద్దిరోజుల క్రితమే ఆఫీసు తెరుచుకోవడంతో ఇద్దరికీ ఇద్దరికీ ప్రాణం లేచొచ్చింది. ఆఫీసు వర్క్‌తో పాటు ప్రేమ ఊసులు చెప్పుకుంటూ గడిపేస్తున్నారు. ఈ నెల 25వ తేదీ సాయంత్రం ఆఫీసు ముగిశాక ఇద్దరూ కలిసి ఏకాంతంగా గడిపేందుకు తిరుచ్చి రోడ్డులోని మణికందం ప్రాంతంలో కలుసుకున్నారు. బైక్ పార్క్ చేసి పొదల చాటుకు వెళ్లిన విషయాన్ని గమనించిన కొందరు యువకులు వారిని చుట్టుముట్టారు.

Also Read: ఆంటీతో అఫైర్, మద్యం మత్తులో కొట్టి సజీవ సమాధి… నెల్లూరులో దారుణం

ప్రియుడిని చెట్టుకు కట్టేసి దాడి చేసిన కామాంధులు యువతిపై ఒకరి తర్వాత ఒకరు సామూహిక అత్యాచారానికి పాల్పడ్డారు. ఆ దారుణాన్ని వీడియో తీసి.. ఈ విషయం ఎవరికైనా చెబితే సోషల్‌మీడియాలో పోస్ట్ చేస్తామని బెదిరించారు. అనంతరం వారి వద్దనున్న బంగారు ఆభరణాలు, నగదు, సెల్‌ఫోన్లు దోచుకుని వెళ్లిపోయారు. నాలుగు రోజుల తర్వాత ధైర్యం చేసి ఆ జంట పోలీసులకు ఫిర్యాదు చేశారు. దీంతో కేసు నమోదు చేసిన పోలీసులు నిందితులైన హేమరాజ్ (28), నందకుమార్ (20), మురుగన్ (22)ను అరెస్ట్ చేశారు. యువతిని వైద్య పరీక్షల నిమిత్తం ఆస్పత్రికి తరలించారు.

Also Read: ఛార్జింగ్ వైరుతో భార్య గొంతు బిగించి హత్య.. పోలవరంలో భర్త ఘాతుకం



Source link

Leave a Reply

Your email address will not be published. Required fields are marked *