tamil nadu girl murder: ఆడపిల్ల పుట్టిందని కసాయి తల్లి ఘాతుకం.. నీటముంచి హత్య.. ఆ తరువాత.. – woman commits suicide after killing his infant daughter in tamil nadu


ఆడదానికి ఆడదే శత్రువని పెద్దలు చెప్పిన సామెతను నిజం చేసిందో కసాయి తల్లి. ఆడపిల్ల పుట్టిందని నిరాశకు గురైన తల్లి.. మూడు నెలల పసికందుని నీటముంచి దారుణంగా హత్య చేసింది. అనంతరం తాను బలవన్మరణానికి పాల్పడింది. ఉరికి వేలాడుతూ కనిపించిన భార్యని చూసిన భర్త షాక్‌కి గురయ్యాడు. ఈ దారుణ ఘటన తమిళనాడులోని జరిగింది.

ఈరోడ్ జిల్లా పెరుందురై పరిధిలోని విజయమంగళానికి చెందిన గుణశేఖరన్‌, సంగీత(38) దంపతులకి ఇటీవల ఆడబిడ్డ జన్మించింది. కొడుకు పుడతాడని భావించిన సంగీత తీవ్ర నిరాశకు గురైంది. కూతురు పుట్టడంతో మనస్థాపం చెందింది. ఆ కోపంతో ఘాతుకానికి పాల్పడింది. మూడు నెలల పసికందుని దారుణంగా హత్య చేసింది. నీళ్ల టబ్బులో ముంచి కర్కశంగా చిన్నారి ప్రాణాలు తీసింది.

Also Read: బెడ్రూమ్‌లో ఏకాంతంగా భార్యాభర్తలు.. రంధ్రంలో నుంచి చూస్తూ పక్కింటి వ్యక్తి..

అనంతరం తాను కూడా ఆత్మహత్య చేసుకుని చనిపోయింది. ఇంట్లోనే ఉరి వేసుకుని బలవన్మరణానికి పాల్పడింది. సాయంత్రం ఇంటికి తిరిగివచ్చిన భర్త గుణశేఖరన్ ఉరికి వేలాడుతున్న భార్య శవాన్ని చూసి షాక్‌కి గురయ్యాడు. కూతురు కోసం ఇల్లంతా వెతకడంతో ఓ టబ్బులో నీటమునిగి విగతజీవిగా కనిపించింది. వెంటనే అదే గ్రామంలో ఉంటున్న భార్య సోదరుడు కుమార్‌(35)కి ఫోన్ చేసి విషయం చెప్పాడు.

పెరుందురై పోలీసులకు సమాచారం ఇవ్వడంతో సంఘటన స్థలానికి చేరుకుని పరిశీలించారు. సంగీత, ఆమె కూతురి మృతదేహాలను పోస్టుమార్టం కోసం ఆస్పత్రికి తరలించారు. కేసు నమోదు చేసి దర్యాప్తు చేస్తున్నారు. మగబిడ్డ పుట్టలేదన్న నిరాశతో కన్నతల్లే అఘాయిత్యానికి పాల్పడినట్లు ప్రాథమికంగా నిర్ధారణకు వచ్చినట్లు తెలుస్తోంది.

Read Also: ‘నా ఒంటిపై బట్టల్లేవ్.. సిగరెట్లతో కాల్చారు..’ భార్య గ్యాంగ్ రేప్ కేసులో దారుణాలు



Source link

Leave a Reply

Your email address will not be published. Required fields are marked *