tamil nadu girl murder: మల్లెపూల తోటలో దారుణం.. పక్కింటి అమ్మాయిని నమ్మకంగా తీసుకెళ్లి.. – 14 year old boy kills 9 years girl, after sexual assault bid in trichy


పద్నాలుగేళ్లకే కామవాంఛలతో రెచ్చిపోయిన బాలుడు మైనర్ బాలికను నమ్మకంగా మల్లెపూల తోటకి తీసుకెళ్లి అత్యాచారం చేసేందుకు ప్రయత్నించాడు. అతని వికృత చేష్టలకు భయపడిపోయిన బాలిక తీవ్రంగా ప్రతిఘటించింది. ఆగ్రహం చెందిన బాలుడు ఆమె తలపై రాయితో దాడి చేయడంతో ఆమె అపస్మారక స్థితిలోకి వెళ్లింది. అతనే ఊళ్లోకి వచ్చి ఏమీ ఎరగనట్టు తోటలో బాలిక పడిపోయి ఉందని గ్రామస్తులకు చెప్పాడు. ఆమెను ఆస్పత్రికి తరలించగా చికిత్స పొందుతూ ప్రాణాలు విడిచింది. ఈ దారుణ ఘటన తమిళనాడులోని తిరుచ్చి జిల్లాలో చోటుచేసుకుంది.

మనప్పరై పరిధిలోని కృష్ణసముద్రానికి చెందిన తొమ్మిదేళ్ల బాలిక స్థానిక పాఠశాలలో మూడో తరగతి చదువుతోంది. ఆమె పక్కింట్లోనే ఉండే బాలుడు(14) అదే పాఠశాలలో తొమ్మిదో తరగతి చదువుతున్నాడు. పక్కింటి బాలికపై కన్నేసిన బాలుడు ఆమెపై అఘాయిత్యానికి ఒడిగట్టాడు. మాయమాటలు చెప్పి నమ్మకంగా గ్రామ సమీపంలోని మల్లెతోటకి తీసుకెళ్లాడు.

Also Read: ఇంట్లో చోరీకి వెళ్లిన దొంగ.. యువతి ఏటీఎం పిన్ చెప్పలేదని..

కామంతో కళ్లుమూసుకుపోయి అభంశుభం తెలియని చిన్నారిపై అత్యాచారానికి యత్నించాడు. బాలుడి ప్రవర్తనతో భయపడిపోయిన బాలిక తప్పించుకునేందుకు ప్రయత్నించింది. కోపంతో ఊగిపోయిన బాలుడు రాయితో బాలిక తల వెనుక భాగంలో బలంగా కొట్టాడు. పలుమార్లు అక్కడే కొట్టడంతో బాలిక స్పృహ‌త‌ప్పి పడిపోయింది. బాలికకు రక్తస్రావం అవుతుండడంతో భయపడి ఆమెను అక్కడే వదిలేసి వచ్చేశాడు.

ఏమీ ఎరగనట్టు నటిస్తూ తోటలో బాలిక పడిపోయి ఉందని గ్రామస్తులకు చెప్పాడు. ఆమెను వెతుక్కుంటూ తోటకి వెళ్లిన బాలిక కుటుంబ సభ్యులు, స్థానికులకు రక్తపు మడుగులో బాలిక కనిపించింది. వెంటనే ఆమెను ఆస్పత్రికి తరలించగా చికిత్స పొందుతూ ప్రాణాలు విడిచింది. సమాచారం అందుకున్న పోలీసులు కేసు నమోదు చేసి విచారణ చేపట్టడంతో షాకింగ్ నిజాలు వెలుగులోకి వచ్చాయి.

Read Also: చెల్లెలిపై కన్నేసిన కీచక అన్న.. అడవిలోకి తీసుకెళ్లి ఫ్రెండ్స్‌తో కలసి..

బాలిక అక్కడ పడిపోయి ఉందని చెప్పిన బాలుడిని అనుమానించిన పోలీసులు ఆ దిశగా విచారణ చేపట్టారు. విచారణలో పొంతన లేని సమాధానాలు చెప్పడంతో అనుమానాలు బలపడ్డాయి. తమ స్టైల్లో విచారించడంతో అసలు నిజాలు కక్కేశాడు. బాలికను తోటకి తీసుకెళ్లి రేప్ చేసేందుకు యత్నించానని.. ఆమె ఎదురుతిరగడంతో రాయితో కొట్టినట్లు చెప్పాడు. రక్తపు మరకలు అంటిన బాలుడి దుస్తులను పోలీసులు స్వాధీనం చేసుకున్నారు. నిందితుడిని అరెస్టు చేసి జువైనెల్ హోమ్‌కి తరలించారు.

Also Read: ప్రాణాలు తీసిన వాట్సాప్ స్టేటస్.. యువకుడిని దారుణంగా నరికి..



Source link

Leave a Reply

Your email address will not be published. Required fields are marked *