tamil nadu husband attack: గర్భిణి కడుపుపై కాలితో తన్ని.. అబార్షన్.. జ్యోతిష్యుడు చెప్పాడని భర్త ఘాతుకం – man beats on pregnant wife’s stomach in tamil nadu


కంప్యూటర్ కాలంలోనూ కొందరు మూర్ఖులు మూఢనమ్మకాలతో దారుణాలకు తెగబడుతున్నారు. రెండో బిడ్డ పుడితే తండ్రి చనిపోతాడని జ్యోతిష్యుడు చెప్పాడంటూ కసాయి భర్త గర్భిణి భార్యపై దాష్టీకానికి పాల్పడ్డాడు. గర్భంతో ఉందన్న కనికరం కూడా లేకుండా కడుపుపై కాలితో తన్నడంతో ఆమెకు గర్భస్రావమైంది. కడుపులో బిడ్డ చనిపోయేందుకు కారణమైన భర్తపై భార్య పోలీసులకు ఫిర్యాదు చేయడంతో దారుణం వెలుగులోకి వచ్చింది. ఈ అమానుష ఘటన తమిళనాడులోని ఈరోడ్ జిల్లాలో జరిగింది.

అమ్మపేట పరిధిలోని ములియానూర్‌కి చెందిన మునుస్వామి(32), రమ్య(25) భార్యాభర్తలు. వారిద్దరికీ సుమారు ఆరేళ్ల కిందట వివాహమైంది. ఒక బాబు పుట్టాడు. రెండోసారి రమ్య గర్భం దాల్చింది. ఓ రోజు జ్యోతిష్యుడి దగ్గరకు వెళ్లిన మునుస్వామి తన భార్య గర్భంతో ఉందని చెప్పాడు. అయితే రెండో బిడ్డ పుడితే తండ్రి ప్రాణాలకు ముప్పు ఉందని జ్యోతిష్యుడు చెప్పడంతో దారుణానికి తెగబడ్డాడు.

Also Read:
మృగాడి కామకోరికలకు మహిళ బలి.. భర్త లేడని.. గుంటూరులో దారుణం

రెండోబిడ్డ పుడితే తన ప్రాణాలు పోతాయని స్వామీజీ చెప్పారని.. అబార్షన్ చేయించుకోవాలని భార్యపై ఒత్తిడి చేశాడు. అందుకు ఆమె ససేమిరా అనడంతో కోపం పెంచుకున్నాడు. ఈ నేపథ్యంలో మద్యం మత్తులో ఇంటికి వచ్చిన మునుస్వామి భార్యని తీవ్రంగా కొట్టాడు. అబార్షన్ చేయించుకోనందని గర్భిణి కడుపుపై కాలితో బలంగా తన్నడంతో ఆమె కిందపడిపోయింది.

కడుపులో తన్నడంతో తీవ్రమైన నొప్పితో విలవిల్లాడిన రమ్యని స్థానికులు కాపాడి ఆమె తల్లిదండ్రుల వద్దకు పంపించారు. పుట్టింటికి వెళ్లిన తర్వాత కూడా ఆమెకు కడుపునొప్పి రావడంతో ఆస్పత్రికి తీసుకెళ్లారు. వైద్యపరీక్షలు నిర్వహించిన డాక్టర్లు రమ్యకి గర్భస్రావం అయినట్లు నిర్ధారించారు. కడుపుపై తన్ని గర్భస్థ శిశువు మరణానికి కారణమైన భర్తపై కఠిన చర్యలు తీసుకోవాలంటూ భార్య పోలీసులను ఆశ్రయించింది. కేసు నమోదు చేసిన పోలీసులు నిందితుడి కోసం గాలిస్తున్నారు.

Read Also: ఇంట్లో చోరీకి వెళ్లిన దొంగ.. యువతి ఏటీఎం పిన్ చెప్పలేదని..



Source link

Leave a Reply

Your email address will not be published. Required fields are marked *