tamil nadu man murder: 35 కత్తిపోట్లు, తల నరికి.. తమిళనాడులో యువకుడి దారుణహత్య – gang cuts off young man’s head in tamil nadu over caste clashes


తమిళనాడులో ఓ యువకుడు దారుణ హత్యకు గురికావడం తీవ్ర కలకలం రేపింది. దుండగులు అతడిని 35సార్లు కత్తితో పొడిచి శరీరాన్ని చిధ్రం చేయడమే కాకుండా.. తలను శరీరం నుంచి వేరుచేసి కిరాతకంగా ప్రవర్తించారు. కుల కక్షలే ఈ దారుణానికి కారణంగా తెలుస్తోంది. తూత్తుకుడి జిల్లాలో జరిగిన ఈ ఘటన ఆలస్యంగా వెలుగుచూసింది. జిల్లాలోని కీల కీరనుర్‌ గ్రామంలో ఒకే సామాజిక వర్గానికి చెందిన ఎక్కువ సంఖ్యలో నివసిస్తున్నారు. గతేడాది వేరే వర్గానికి చెందిన వ్యక్తి చినిపోవడంతో గ్రామ శివారులోని శ్మశానంలో పూడ్చటానికి ప్రయత్నించగా మెజార్టీ వర్గం అడ్డుకుంది. ఈ క్రమంలోనే సత్యమూర్తి(22) అనే యువకుడు ధైర్యంగా నిలబడి ఆ మృతదేహాన్ని అక్కడ పూడ్చేలా చేశాడు.

Also Read: పేదలకు అన్నం పెడుతున్న కుటుంబంపై అఘాయిత్యం… ప్రకాశం జిల్లాలో దారుణం

దీంతో మెజార్టీ వర్గం ప్రజలు సత్యమూర్తిపై కక్ష పెంచుకున్నారు. ఈ క్రమంలోనే శుక్రవారం ఉదయం ఇంటి నుంచి వెళ్లిన సత్యమూర్తి రాత్రి 9 గంటలైనా తిరిగి రాకపోవడంతో తల్లిదండ్రులు చుట్టుపక్కల ప్రాంతాల్లో గాలించారు. ఊరి చివరలో తల లేని మృతదేహాన్ని చూసిన స్థానికులు సత్యమూర్తి తల్లిదండ్రులకు సమాచారమిచ్చారు. శరీరంపై ఉన్న గుర్తులతో అది తమ కొడుకు మృతదేహమేనని వారు గుర్తించారు. ఈ ఘటనపై సమాచారం అందుకున్న పోలీసులు గ్రామానికి చేరుకుని మృతదేహాన్ని పోస్టుమార్టం కోసం ఆస్పత్రికి తరలించేందుకు ప్రయత్నించారు.

Also Read: ఆంటీతో అఫైర్, మద్యం మత్తులో కొట్టి సజీవ సమాధి… నెల్లూరులో దారుణం

అయితే తల లేకుండా కేవలం మొండాన్ని మాత్రమే ఎలా తీసుకెళ్తారని గ్రామస్తులు పోలీసులను నిలదీశారు. జిల్లా ఎస్పీ ఆదేశాలతో పోలీసులు చుట్టుపక్కల ప్రాంతాల్లో గాలించగా మృతదేహం లభించిన చోటుకు 400 మీటర్ల దూరంలో తలను గుర్తించి హాస్పిటల్‌కు తరలించారు. పోస్టుమార్టం రిపోర్టులో సత్యమూర్తి శరీరంపై 35 కత్తిపోట్లు ఉన్నట్లు తేలడంతో అందరూ దిగ్భ్రాంతికి గురయ్యారు. ఈ దారుణ హత్యతో కుల ఘర్షణలు జరిగే ప్రమాదం ఉందని అనుమానించిన పోలీసులు గ్రామంలో భారీ బందోబస్తు ఏర్పాటు చేశారు. దీనిపై కేసు నమోదు చేసి దర్యాప్తు చేస్తున్నట్లు పోలీసులు ఉన్నతాధికారులు తెలిపారు.

Also Read: యువతి శీలానికి రూ.2లక్షలు వెలగట్టిన పెద్దలు.. వరంగల్‌లో దారుణం



Source link

Leave a Reply

Your email address will not be published. Required fields are marked *