tamil nadu police drone video : బాబోయ్ డ్రోన్.. ఈ వీడియో చూస్తే పొట్ట చెక్కలే.. పోలీసులా మజాకా! – police using drone to chase lockdown violators in tamil nadu


Lockdown Rules | లాక్‌డౌన్ నిబందనలను ఉల్లంఘిస్తోన్న వారికి పోలీసులు చుక్కలు చూపిస్తున్నారు. డ్రోన్ల సాయంతో వదల బొమ్మాలి అంటూ వారిని వెంటపడి తరుముతున్నారు.

Ravi Kumar |
Samayam Telugu | Updated:

X

డ్రోన్‌తో లాక్‌డౌన్ ఉల్లంఘనులకు చెక్.. వీడియో వైరల్

లాక్‌డౌన్ నిబంధనలను ఉల్లంఘిస్తోన్న వారిని కంట్రోల్ చేయడం పోలీసులకు తలనొప్పిగా మారింది. రోడ్ల మీదకు వచ్చే వాళ్లను కంట్రోల్ చేయడానికే టైం సరిపోక తిప్పలు పడుతుంటే.. చిన్న చిన్న సందుల్లో గుమికూడుతున్న వారు, చెట్ల కింద కూర్చోని ఆటలాడుతున్న వారితో కొత్త తలనొప్పులు మొదలవుతున్నాయి. దీంతో వీరికి డ్రోన్ల సాయంతో పోలీసులు చెక్ పెడుతున్నారు. పెద్ద పెద్ద నగరాల్లో పోలీసులు డ్రోన్ల సాయంతో చిన్న చిన్న గల్లీలపై సైతం నిఘా పెడుతున్నారు.


డ్రోన్ల సాయంతో లాక్‌డౌన్ నిబంధనలను ఉల్లంఘిస్తోన్న వారికి ఎలా చుక్కలు చూపిస్తున్నామో చెప్పడానికి నిదర్శనంగా తమిళనాడులోని తిరుపూర్ పోలీసులు ఓ వీడియోను రిలీజ్ చేశారు. చెట్టు కింద కొందరు యువకులు గుమికూడి క్యారెమ్ బోర్డ్ ఆడుతుండగా.. డ్రోన్ కెమెరాను పోలీసులు అక్కడికి పంపారు. దాన్ని గమనించిన ఆ యవకులు తలో దిక్కు పారిపోయారు. చేతిలో క్యారమ్ బోర్డును పట్టుకున్న యువకుడు మాత్రం దాన్ని తలమీద అడ్డుపెట్టుకొని కెమెరా కంట పడకుండా తప్పించుకునే ప్రయత్నం చేశాడు.

కానీ డ్రోన్‌ను అతడి ముందు వైపునకు తీసుకెళ్లడంతో అతడు బోర్డును ముందుకు జరిపాడు.. వెంటనే డ్రోన్‌ను పైకి తీసుకెళ్లడంతో అతడు బోర్డును మరో దిక్కుకు జరిపాడు. ఎంతకూ డ్రోన్ అతణ్ని వెంబడించడం ఆపకపోవడంతో.. క్యారమ్ బోర్డును అక్కడ పడేసి పరిగెత్తాడు. ఈ వీడియో చూడటానికి భలే ఫన్నీగా ఉంది. ఓ సందులో చేరి ముచ్చట్లు పెడుతున్న వారంతా డ్రోన్‌ను చూడగానే ఇళ్లలోకి వెళ్లి తలుపులు వేసుకున్నారు. లాక్‌డౌన్ ఉల్లంఘనుల పట్ల పోలీసులు ఎంత సీరియస్‌గా వ్యవహరిస్తున్నారనే విషయాన్ని ఈ డ్రోన్ వీడియో చూసి అర్థం చేసుకోవచ్చు.

In Videos: డ్రోన్‌తో లాక్‌డౌన్ ఉల్లంఘనులకు చెక్.. వీడియో వైరల్

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title checkmate to lockdown violators using technology: tirupur police drone video goes viral

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *