taxi auto service in telangana: TS: ఆటోలు, ట్యాక్సీలకు ఓకే.. ప్రయాణికులపై పరిమితి, ఛార్జీల మోత తప్పదా? – cm kcr nods to run taxis, autos along with rtc buses in telangana


తెలంగాణలో లాక్‌డౌన్ ఆంక్షలు సడలిస్తూ సీఎం కేసీఆర్ నిర్ణయం తీసుకోవడంతో ఇక రాష్ట్రంలోని రోడ్లపై వాహనాలు సందడి చేయనున్నాయి. మంగళవారం (మే 19) ఉదయం నుంచి ఆర్టీసీ బస్సులతో పాటు ఆటోలు, ట్యాక్సీలు రోడ్డెక్కనున్నాయి. కరోనా కట్టడి కోసం దేశవ్యా్ప్తంగా విధించిన లాక్‌డౌన్‌తో మార్చి 25 నుంచి మూగబోయిన వాహనాలు.. సుమారు 55 రోజుల తర్వాత మళ్లీ రోడ్లపై కూతపెట్టనున్నాయి. కొవిడ్-19 జాగ్రత్తలు పాటిస్తూ ఆటోలు, ట్యాక్సీలు నడుపుకోవాలని ముఖ్యమంత్రి సూచించారు. ట్యాక్సీలో ముగ్గురు, ఆటోలో ఇద్దరు (డ్రైవర్ కాకుండా) ప్రయాణికులకు అనుమతి ఇస్తున్నట్లు వెల్లడించారు. నిబంధనలు అతిక్రమిస్తే జరిమానా తప్పదని హెచ్చరించారు.

సోమవారం జరిగిన మంత్రివర్గ సమావేశంలో ఆటోలు, ట్యాక్సీలు నడపడానికి గ్రీన్ సిగ్నల్ ఇస్తూ నిర్ణయం తీసుకున్నారు. కంటెయిన్‌మెంట్ జోన్లు మినహా మిగిలిన ప్రాంతాల్లో కార్యకలాపాలు యథావిధిగా కొనసాగించడానికి అనమతి ఇచ్చారు. హైదరాబాద్‌ నగరంలోనూ ఆటోలు, ట్యాక్సీలకు అనుమతి ఇస్తున్నట్లు సీఎం కేసీఆర్ ప్రకటించారు. కేబినెట్‌ సమావేశం అనంతరం ఆయన మీడియాతో మాట్లాడారు.

అంతర్రాష్ట్ర బస్సులు నడపబోం.. అలాగే ఇతర రాష్ట్రాల బస్సులను రాష్ట్రంలోకి అనుమతించం. మహారాష్ట్ర, ఏపీ లాంటి రాష్ట్రాల్లో కరోనా వ్యాప్తి అధికంగా ఉంది. ఇలాంటి పరిస్థితుల్లో సాహసం చేయలేం..

సీఎం కేసీఆర్

ట్యాక్సీ, కారులో డ్రైవర్ కాకుండా మరో ముగ్గురు వ్యక్తులు మాత్రమే ప్రయాణించాలని సీఎం కేసీఆర్ స్పష్టం చేశారు. ఇక ఆటోలో డ్రైవర్‌తో పాటు మరో ఇద్దరు ప్రయాణికులకు అనుమతి ఇచ్చారు. ప్రయాణికులపై పరిమితి విధించడంతో ఆటోలు, ట్యాక్సీ డ్రైవర్లు ఛార్జీలు భారీగా పెంచే అవకాశం ఉంది. ఇప్పటికే నోయిడాలో ట్యాక్సీ ఛార్జీలు 10 శాతం వరకు పెరిగిన విషయం తెలిసిందే.

మంగళవారం ఉదయం నుంచి రాష్ట్రవ్యాప్తంగా ఆర్టీసీ బస్సులు నడుస్తాయని ముఖ్యమంత్రి వెల్లడించారు. సిటీ బస్సులను మాత్రం మే 31 వరకు తిరగనివ్వబోమని స్పష్టం చేశారు. మే 31 వరకూ మెట్రో రైలు సర్వీసులు నడపబోమని ముఖ్యమంత్రి తెలిపారు. అదేవిధంగా ఇతర రాష్ట్రాలకు బస్సులను నడపబోమని.. ఆయా రాష్ట్రాల బస్సులను కూడా రాష్ట్రంలోపలికి అనుమతించబోమని స్పష్టం చేశారు. పొరుగు రాష్ట్రాలైన మహారాష్ట్ర, ఆంధ్రప్రదేశ్‌లో కరోనా ఉధృతి తీవ్రంగా ఉన్న నేపథ్యంలో అంతర్రాష్ట్ర బస్సు సేవల కోసం మరి కొంత కాలం ఆగాల్సిందేనని అభిప్రాయపడ్డారు.

Also Read:కరోనాతో కలిసి జీవించడం నేర్చుకోవాలి: కేసీఆర్



Source link

Leave a Reply

Your email address will not be published. Required fields are marked *