TDP: వైసీపీలోకి మరో టీడీపీ ఎమ్మెల్యే, మాజీ మంత్రి? – operation akarsh to start again in ap and tdp leaders ready to joins in ysrcp?


ఏపీలో మళ్లీ ఆపరేషన్ ఆకర్ష్‌పై జోరుగా చర్చ జరుగుతోంది. అధికార పార్టీ వైఎస్సార్‌సీపీలోకి మళ్లీ చేరికలు ఊపందుకుంటాయనే ఊహాగానాలు మొదలయ్యాయి. త్వరలోనే మళ్లీ వలసలు ప్రారంభమవుతాయనే టాక్ వినిపిస్తోంది. ఈసారి ప్రకాశం జిల్లా నుంచి వైఎస్సార్‌సీపీలోకి చేరికలు ఉంటాయని.. ఇప్పటికే చర్చల ప్రారంభమయ్యాయని ప్రచారం జోరందుకుంది. జిల్లాలోని మరికొంత మంది టీడీపీ ముఖ్యనేతలను పార్టీలోకి తీసుకునేందుకు కసరత్తు జరుగుతోందని తెలుస్తోంది.

ప్రకాశం జిల్లాకు చెందిన ఓ ఎమ్మెల్యేతో పాటూ మరో మాజీ మంత్రిపై అధికార పార్టీ కన్నేసిందట. ఆ ఇద్దరితో జిల్లా మంత్రి చర్చలు జరిపినట్లు ఊహాగానాలు వినిపిస్తున్నాయి. ఈ నెలాఖరలోపు అధికార పార్టీ వైపు అడుగులు వేస్తారని.. త్వరలోనే దీనిపై క్లారిటీ వస్తుంది అంటున్నారు. ఆ ఇద్దరు నేతల అనుచరుల్లో కూడా ఇదే టాక్ వినిపిస్తోందట. అయితే దీనిపై జిల్లా వైఎస్సార్‌సీపీ, టీడీపీ నేతలు మాత్రం స్పందించ లేదు.

ప్రకాశం జిల్లా నుంచి ఇప్పటికే వైఎస్సార్‌సీపీలోకి కొందరు టీడీపీ నేతలు చేరిపోయారు. ముందుగా ఎమ్మెల్సీ పోతుల సునీత అధికార పార్టీకి జైకొట్టారు.. అమరావతి, రాజధాని బిల్లులపై చర్చ సమయంలో టీడీపీకి షాకిచ్చారు. మండలిలో ప్రభుత్వానికి మద్దతు ఇచ్చారు.. తర్వాత ముఖ్యమంత్రి జగన్‌ను కలిశారు. పార్టీ కండువా కప్పుకోపోయినా.. వైఎస్సార్‌సీపీకి మద్దతు ఇచ్చినట్లే. తర్వాత జిల్లాకు చెందిన టీడీపీ సీనియర్ నేత, చీరాల ఎమ్మెల్యే కరణం బలరాం కూడా అదే బాటలో నడిచారు. ముఖ్యమంత్రి జగన్‌ను కలిశారు.. తన కుమారుడ్ని పార్టీలో చేర్చారు. ఆయన మాత్రం కండువా కప్పుకోలేదు. కనిగిరి మాజీ ఎమ్మెల్యే కదిరి బాబూరావు కూడా వైఎస్సార్‌సీపీలో చేరారు. మళ్లీ ఇప్పుడు ఆపరేషన్ ఆకర్ష్ తెరపైకి వచ్చింది.



Source link

Leave a Reply

Your email address will not be published. Required fields are marked *