Team india captain Virat Kohli: సెలెక్ష‌న్ కోసం నా తండ్రిని లంచమడిగారు: విరాట్ కోహ్లీ‌ – indian captain virat kohli remembers incident when his father refused to bribe cricket official for his selection


భార‌త కెప్టెన్ విరాట్ కోహ్లీ తాజాగా షాకింగ్ విషయాన్ని పంచుకున్నాడు. తాను క్రికెట్ ఆడే తొలి రోజుల్లో జ‌ట్టులో సెలెక్ష‌న్ కోసం అధికారులు లంచం అడిగితే త‌న తండ్రి తిర‌స్క‌రించాడ‌ని గుర్తు చేసుకున్నాడు. స్టార్ ఫుట్‌బాల‌ర్ సునీల్ చెత్రితో కలిసి సోష‌ల్ మీడియాలో మాట్లాడిన కోహ్లీ.. త‌న మ‌నుసులోని మాట‌ను బ‌య‌ట‌పెట్టాడు. ఢిల్లీకి ఆడుతున్న స‌మ‌యంలో రాష్ట్ర జ‌ట్టులో చోటు కోసం ఎంపిక చేయాలంటే లంచం చెల్లించాల్సి ఉంటుంద‌ని కోచ్ త‌న తండ్రి ప్రేమ్‌తో అన్నాడ‌ని తెలిపాడు.


దీనిపై మండిపడిన ప్రేమ్‌.. అలాంటి ప‌నులు త‌ను చేయబోనంటూ, స్వ‌యం ప్ర‌తిభ‌తోనే తన కొడుకు జ‌ట్టులో చోటు ద‌క్కించుకుంటాడ‌ని అన్న‌ట్లు కోహ్లీ తెలిపాడు. ఈ క్ర‌మంలో త‌న పేరు సెలెక్ష‌న్‌లో చోటు చేసుకోలేదని, తను ఎంతో బాధ‌కు లోన‌య్యాన‌ని చెప్పుకొచ్చాడు. ఆ సంఘ‌ట‌న నుంచి తాను ఎన్నో పాఠాలు నేర్చుకున్నానని తెలిపాడు.


జీవితంలో హార్డ్‌వ‌ర్క్‌తోనే ఎదగ‌గ‌ల‌మని, అడ్డ‌దారుల్లో అంద‌లం ఎక్క‌లేమ‌ని తన తండ్రి మాటల ద్వారా గ్రహించిన‌ట్లు కోహ్లీ తెలిపాడు. చాలా పేద కుటుంబం నుంచి వ‌చ్చిన త‌న తండ్రి ఎన్నో క‌ష్టాలు ప‌డి, లాయ‌ర్ అయ్యార‌ని తెలిపాడు. అంత‌కుముందు నేవీలో ప‌నిచేశార‌ని, త‌న‌కు ఆయ‌న‌ ఎప్పుడూ స్ఫూర్తిగా నిలుస్తార‌ని అభిప్రాయ‌ప‌డ్డాడు. నిజానికి కోహ్లీ టీమిండియాలోకి ఎంపిక కాకముందే అంటే 18వ ఏట చ‌నిపోయారు. ఆయ‌న చనిపోయిన త‌ర్వాతి రోజు రంజీ ట్రోఫీలో బ‌రిలోకి దిగిన కోహ్లీ.. త‌మ జ‌ట్టును ఓటమి బారి నుంచి తప్పించాడు.



Source link

Leave a Reply

Your email address will not be published. Required fields are marked *