team india selectors: సెలక్టర్లూ.. తప్పులుంటే నా ముఖంపై చెప్పండి: సురేశ్ రైనా – suresh raina slams selectors,‘if there’s a problem, you say it on my face’


భారత సెలక్టర్ల తీరుపై గత కొద్ది రోజులుగా పెద్ద ఎత్తున విమర్శలు గుప్పిస్తున్న వెటరన్ బ్యాట్స్‌మెన్ సురేశ్ రైనా మరోసారి గళం విప్పాడు. 2018లో టీమిండియా తరఫున ఆఖరిగా అంతర్జాతీయ మ్యాచ్‌ ఆడిన సురేశ్ రైనా.. ఆ తర్వాత మోకాలి గాయం కారణంగా టీమ్‌కి దూరమయ్యాడు. కానీ.. గత ఏడాది సర్జరీ చేయించుకుని పూర్తి ఫిట్‌నెస్ సాధించినా.. అతడ్ని సెలక్టర్లు పట్టించుకోలేదు. కనీసం జట్టులోకి తనని ఎందుకు ఎంపిక చేయట్లేదు..? అనే విషయాన్ని కూడా సెలక్టర్లు తనకి చెప్పడం లేదని రైనా మండిపడ్డాడు.

Read More: డ్రగ్స్‌ కేసులో శ్రీలంక ఫాస్ట్ బౌలర్ అరెస్ట్..!

‘‘క్రికెటర్లు, సెలక్టర్ల మధ్య మంచి కమ్యూనికేషన్ ఉండాలి. సీనియర్ క్రికెటర్ల నుంచి నాకు మద్దతు లభిస్తోంది. కానీ.. సెలక్టర్ల నుంచి ఎలాంటి సమాచారాలు అందడం లేదు. గతంలో దిలీప్ వెంగ్‌సర్కార్; కిరణ్ మోరే లాంటి గొప్ప సెలక్టర్లు ఉండేవారు. వాళ్లు చక్కగా సీనియర్లతో పాటు జూనియర్ క్రికెటర్లతోనూ కమ్యూనికేట్ చేసేవారు. ఆటగాడ్ని పేస్ టు పేస్ మాట్లాడే హక్కు సెలక్టర్లకి ఉంది. నేను కూడా ఆ విధానాన్నే ఇష్టపడతా. నా తప్పులు ఏవైనా ఉంటే నా ముఖంపై చెప్పండి.. సరిదిద్దుకుంటాను’’ అని రైనా వెల్లడించాడు.

Read More: టీ20ల్లో.. టీమిండియాకి ఆడేందుకు నేను రెడీ: హర్భజన్ క్లారిటీ

భారత్ తరఫున ఇప్పటి వరకూ 18 టెస్టులు, 226 వన్డేలు, 78 టీ20 మ్యాచ్‌లాడిన సురేశ్ రైనా.. అంతర్జాతీయ టీ20ల్లో ఫస్ట్ సెంచరీ నమోదు చేసిన టీమిండియా క్రికెటర్‌గా నిలిచాడు. కానీ.. రెండేళ్ల నుంచి టీ20 జట్టులో చోటు కోసం నిరీక్షిస్తున్న రైనా.. ఐపీఎల్‌లో మాత్రం రెగ్యులర్‌గా చెన్నై సూపర్ కింగ్స్ తరఫున మ్యాచ్‌లు ఆడుతున్నాడు.



Source link

Leave a Reply

Your email address will not be published. Required fields are marked *