teeth whitening tips: ఈ టిప్స్ పాటిస్తే పళ్ళు తెల్లగా మెరుస్తాయి.. – simple and effective ways to naturally whiten your teeth at home


మన శరీరానికి శారీరక ఆరోగ్యం ఎంత ముఖ్యమో అలాగే దంత ఆరోగ్యం కూడా చాలా ముఖ్యమైనది. మన దంత ఆరోగ్యం మంచిగా ఉండాలంటే ఆరోగ్యకరమైన, తెలుపు దంతాలు అవసరం. దంతాలు పసుపుగా మరియు కాంతిహీనంగా మారడానికి చాలా కారణాలు ఉన్నాయి. కొన్ని ఆహారాలు మీ దంతాల యొక్క పై పొర అయిన ఎనామెల్‌ను పాడుచేస్తాయి. అంతేకాక, మీ దంతాలపై ప్లాక్యూ ఏర్పడటం వలన అవి పసుపు రంగులో కనిపిస్తాయి. సాధారణంగా ఈ రకమైన రంగు మారడాన్ని రెగ్యులర్ క్లీనింగ్ మరియు వైటెనింగ్ లతో చికిత్స చేయొచ్చు. అయినప్పటికీ, కొన్నిసార్లు దంతాలు పసుపు రంగులో కనిపిస్తాయి ఎందుకంటే హార్డ్ ఎనామెల్ క్షీణించి, దాని కింద ఉన్న డెంటిన్‌ బయటపడుతుంది. డెంటిన్ సహజంగా పసుపు, అస్థి కణజాలం. ఇది ఎనామెల్ కింద ఉంటుంది. మీరు పళ్ళు తెల్లగా ఉండాలంటే, కెమికల్స్ ఉన్న ఉత్పత్తులను వాడటం మానేసి సహజసిద్ధమైన మరియు సురక్షితమైన ఈ చిట్కాలను పాటించండి. అయితే, ఫలితం రావాలంటే రెగ్యులర్ గా వీటిని చేస్తూ సహనంతో ఉంటే మంచి ఫలితాలు వస్తాయని ఆయుర్వేద నిపుణుడు చెప్పారు.

Also Read : మలేరియా వచ్చాక ఈ ఫుడ్ తింటే త్వరగా కోలుకుంటారట..

ఆయిల్ పుల్లింగ్:

నోటిలో నూనెను వేసుకుని పుక్కిలించి పద్ధతిని ఆయిల్ పుల్లింగ్ అంటారు. ఇలా చేయడం వల్ల చిగుళ్ళు మరియు దంతాల నుండి సూక్ష్మజీవులను తొలగించడంలో సహాయపడుతుంది. నోటి పూతల నుండి ఉపశమనం కలిగిస్తుంది. ఇది నోటి కండరాలను కూడా వ్యాయామం చేసేలా చేస్తుంది, తద్వారా వాటిని బలోపేతం చేస్తుంది మరియు టోన్ చేస్తుంది.

ఆయిల్ పుల్లింగ్ ఎలా చేయాలి?

నువ్వుల నూనె లేదా కొబ్బరి నూనెను నోటిలో వేసుకుని 15-20 నిమిషాల పాటు పుక్కిలించి ఆతరువాత ఉమ్మేయండి.

వేప, బాబుల్ పుల్లలతో క్లీనింగ్..

వేప లేదా బాబుల్ పుల్లలు వాడి పళ్ళు తోముకోవడం వల్ల తోముకునేటప్పుడు ఆ పుల్లను నములుతున్నపుడు వాటిలోని యాంటీ బాక్టీరియల్ ఏజెంట్స్ విడుదల అవుతాయి. అవి మన దంతాలు ఆరోగ్యంగా ఉండటానికి సహాయపడతాయి.

Also Read : అలోవేరా రాస్తే తామర తగ్గుతుందా..

దీన్ని ఎలా చెయ్యాలి?

మీ చిన్న వేలు అంత లావుగా వుండే పుల్లను తీసుకోండి. ఒక బ్రష్ లాగా ఒక మూలలో నమలండి. తక్కువ వ్యవధిలోనే బేసిన్లో లాలాజలం ఉమ్మివేయండి. చిగుళ్ళు మరియు దంతాల మీదుగా బ్రష్ చేయండి. ఆలా బ్రష్ చేసిన తరువాత పళ్ళ మధ్యలో ఇరుకున్న పిచులను పోవడానికి నీళ్లు నోట్లో వేసుకుని పుక్కిలించి ఉమ్మేయండి.

టంగ్ స్క్రాపింగ్

నోటిలోని ఓరల్ కావిటీ ని క్లీన్ చెయ్యడానికి టంగ్ స్ట్రాప్పింగ్ ఒక మంచి పద్ధతి. దీని వల్ల ప్లాక్యూ ఏర్పడటానికి దారితీసే బ్యాక్టీరియాను బయటకు పంపేవచ్చు.

టంగ్ స్క్రాపింగ్ ఎలా చెయ్యాలి?

రాగి లేదా స్టెయిన్లెస్ స్టీల్ నాలుక స్క్రాపర్ ను ఉపయోగించి మీ నాలుకను కొన్నిసార్లు గీసుకోండి.

హెర్బల్ మౌత్ రైన్స్

త్రిఫల లేదా యష్తిమధు కషాయాలు నోటిని క్లీన్ చేసుకోవడానికి అద్భుతమైన మౌత్ రైన్స్ పనిచేస్తాయి. దీనివల్ల నోరు శుభ్రం అవ్వడమే కాకుండా నోటి పూతలను తగ్గించడంలో కూడా ఇది సహాయపడుతుంది.

Also Read : టీతో తినడానికి రస్క్స్ ఇంట్లోనే చేసుకోండిలా..

దీన్ని ఎలా చేయాలి?

త్రిఫల లేదా యష్తిమధుని నీటిలో సగం మొత్తానికి తగ్గే వరకు ఉడకబెట్టండి. తరువాత దాన్ని కొంచెం చల్లబరచండి. గోరువెచ్చగా ఉన్నప్పుడు నోటిని శుభ్రం చేసుకోండి.

రెండుసార్లు బ్రష్..

ప్రతి సారి భోజనం తిన్న తర్వాత, ముఖ్యంగా చాక్లెట్లు వంటి అంటుకునే ఆహార పదార్థాలను తిన్న తర్వాత బ్రష్ చేయడం చాలా ముఖ్యం. కానీ రోజుకు నాలుగు-ఐదు సార్లు పళ్ళు తోముకోవడం కుదరదు కనుక ప్రతి రోజు రెండుసార్లు బ్రష్ చేయడం మంచిదని నిపుణులు చెబుతున్నారు. ఉదయాన్నే నిద్ర లేవగానే ఒకసారి, రాత్రి పడుకోబోయే ముందు ఒకసారి బ్రష్ చేసుకోవాలని నిపుణులు చెబుతున్నారు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *