Tejas fighter jets: ఊపందుకున్న ‘స్వదేశీ’నినాదం.. తొలి అడుగు వైమానిక దళంలోనే! – india plans to switch to locally-made fighter jets, overseas purchase plan stalls


ప్రపంచంలోనే అతిపెద్ద యుద్ధ విమాన ఒప్పందంలో భాగంగా 114 యుద్ధ విమానాలను సరఫరా చేయడానికి ప్రతిపాదలను సమర్పించాలని అంతర్జాతీయ కంపెనీలను కోరిన రెండేళ్ల తర్వాత స్వదేశీ యుద్ధ విమానాలపై భారత్ దృష్టిసారించనుంది. స్వదేశీ పరిజ్ఞానంతో రూపొందించిన తేలికపాటి యుద్ధ విమానం తేజస్‌ను వైమానిక దళంలో చేర్చడానికి ప్రణాళికను ఖరారు చేశారని, దీని వల్ల యుద్ధ విమానాల సామర్థ్యం పెరుగుతుందని చీఫ్ ఆఫ్ డిఫెన్స్ స్టాఫ్ బిపిన్ రావత్ ఓ ఇంటర్వ్యూలో అన్నారు. గతంలో 40 విమానాల కొనుగోలుకు చేసుకున్న ఒప్పందానికి అదనంగా 83 యుద్ధ విమానాల కోసం ఆరు బిలియన్ డాలర్లు ఖర్చు చేయనున్నట్టు తెలిపారు.

యుద్ధ విమానాల తయారీ కోసం గ్లోబల్ టెండర్లు పిలిచారు కదా? అన్న ప్రశ్నకు రావత్ బదులిస్తూ… భారత వైమానిక దళం తెలికపాటి యుద్ధ విమానాలకు మారుతోందన్నారు. అంటే స్వదేశీ యుద్ధ విమానాలకే ఐఏఎఫ్ మొగ్గుచూపుతోందని తెలిపారు. 15 బిలియన్ డాలర్ల విలువైన ఆర్డర్ కోసం పోటీలో ఉన్న బోయింగ్ కో, లాక్హీడ్ మార్టిన్ కార్ప్, సాబ్ ఎబి వంటివారికి ఈ నిర్ణయం ఒక ఎదురుదెబ్బ. అధికారుల జాప్యం, నిధులేమితో ఖరీదైన విదేశీ రక్షణ కొనుగోళ్లను భారత్ వదిలివేస్తున్నదనడాకి ఇది మరో సంకేతం.

మే 12న జాతినుద్దేశించి ప్రసంగించిన ప్రధాని నరేంద్ర మోదీ.. మరోసారి స్వదేశీ నినాదం తెరపైకి తీసుకొచ్చిన విషయం తెలిసిందే. ‘ఆత్మ నిర్భర్ భారత్’ నినాదం ఇచ్చిన మోదీ.. మనం బతకాలి.. బతికించుకుంటూ ముందుకెళ్లాలి’ అని ప్రధాని మోదీ పిలుపునిచ్చారు. భారతీయ ఉత్పత్తులనే వినియోగించుకోవడం అలవాటు చేసుకోవాలని సూచించారు.

కాబట్టి స్వదేశీ మార్గంలో వెళ్లాలని నిర్ణయించినందున రక్షణ శాఖ కూడా ఆ దిశగా అడుగులు వేయాలని హిందూస్థాన్ ఏరోనాటిక్స్ అడిషినల్ డైరెక్టర్ మన్మోహన్ బహదూర్ వ్యాఖ్యానించారు. ఐఏఎఫ్, ఇతర సేవల మాదిరిగానే, భావోద్వేగాలను పక్కనబెట్టి.. మన శత్రువులతో సమానంగా కొనసాగాలని అన్నారు. తేజస్ యుద్ధ విమానాలు వైమానిక దళంలో చేరిన తర్వాత వాటి పనితీరును బట్టి కొనుగోలు చేయడానికి పలు దేశాలు ఆసక్తి చూపవచ్చని రావత్ అన్నారు. తక్కువ ధరకు లభించడంతో కీలకమైన రక్షణ ఎగుమతులు పెరగడానికి సహాయపడుతుందని ఆయన పేర్కొన్నారు.

స్థానికంగా తయారైన ఆయుధాలను ఉపయోగించడం ప్రారంభించడం ఒక మార్పును సూచిస్తుందని రావత్ అన్నారు. రక్షణ దళాలు దేశీయంగా ఉత్పత్తి చేసే వస్తువులను ఎక్కువగా ఉపయోగిస్తాయని, ప్రారంభంలో నాణ్యతాపరమైన సమస్యలు ఉండవచ్చని, క్రమంగా ఇవి మెరుగుపడతాయని ఆయన వ్యాఖ్యానించారు. అర్టిలరీ గన్స్, ఎయిర్ డిఫెన్స్ సిస్టమ్స్, రాడార్లు అన్నీ స్వదేశీ వ్యవస్థలుగా ఉంటాయి. ఆర్టిలరీ గన్స్, ఎయిర్‌ డిఫెన్స్ సిస్టమ్స్‌లో పనితీరు చాలా బాగుంది.. దేశంలో పేలుడు పదార్ధాల ఉత్పత్తి కూడా పెద్ద ఎత్తున జరుగుతోందన్నారు.

యుద్ధ విమానాల కొనుగోలు ప్రక్రియ దశాబ్దం కిందటే ప్రారంభమయ్యింది. మొత్తం 126 రాఫేల్ యుద్ధ విమానాల కోసం 2015లో డస్సల్ట్ ఏవియేషన్‌తో ఒప్పందం చేసుకోగా.. తొలి విడతలో 36 విమానాలను అప్పగించడానికి ఫ్రాన్స్ అంగీకరించింది. ఇక, 2018 ఏప్రిల్‌లో మొత్తం 114 యుద్ధ విమానాల కొనుగోలు కోసం గ్లోబల్ టెండర్లు పిలిచారు.



Source link

Leave a Reply

Your email address will not be published. Required fields are marked *