tejashwi yadav : YS Jaganకు బిహార్ ప్రతిపక్ష నేత తేజస్వి స్పెషల్ రిక్వెస్ట్ – bihar leader of the opposition tejashwi yadav special request to cm jagan over bihar workers in vizag


తమ వారిని ఆదుకోవాలంటూ ముఖ్యమంత్రి వైఎస్ జగన్మోహన్‌రెడ్డికి బిహార్ రాష్ట్ర ప్రతిపక్ష నాయకుడు తేజస్వి యాదవ్ విజ్ఞప్తి చేశారు. విశాఖపట్నం జిల్లా లంకెలపాలెం, పారావాడలోని ఎన్‌టీపీసీలో బిహార్‌కు చెందిన కూలీలు చిక్కుకుపోయారని తెలిపారు. ప్రస్తుతం దేశవ్యాప్తంగా లాక్ డౌన్ అమలవుతున్న నేపథ్యంలో తమ రాష్ట్రానికి చెందిన వీరు తినడానికి తిండిలేక ఇబ్బంది పడుతున్నారని చెప్పారు.

దీంతో తమ వారికి భోజనం, సరుకులు అందజేసి వారిని ఆదుకోవాలని సీఎం జగన్‌కు తేజస్వి యాదవ్ విజ్ఞప్తి చేశారు. బాధితులు చేసిన ట్వీట్‌ను తేజస్వి రీట్వీట్ చేస్తూ ఈ మేరకు వినతి చేశారు. ఈ ట్వీట్‌ను ఆంధ్రప్రదేశ్ ముఖ్యమంత్రికి, విశాఖ కలెక్టర్‌కు జోడించారు.

బిహార్ ప్రతిపక్ష నేత తేజస్వి ట్వీట్‌కు రాష్ట్ర ఎన్నికల మాజీ కమిషనర్, ఐఏఎస్ అధికారి గోపాలకృష్ణ ద్వివేది స్పందించారు. దీనిపై తగు చర్యలు తీసుకోవాలని విశాఖ కలెక్టర్‌ను ఆదేశించినట్లు వెల్లడించారు. దీంతో తేజస్వి యాదవ్ కృతజ్ఞతలు తెలిపారు.

కాగా, తమ రాష్ట్ర ప్రజలకు అండగా నిలిచినందుకు ముఖ్యమంత్రి వైఎస్ జగన్మోహన్‌రెడ్డి, డీజీపీ గౌతమ్ సవాంగ్‌కు అరుణాచల్‌ ప్రదేశ్‌ ముఖ్యమంత్రి పెమా ఖండు కృతజ్ఞతలు తెలిపిన విషయం తెలిసిందే. దేశవ్యాప్తంగా లాక్‌ డౌన్‌ అమలవుతున్న నేపథ్యంలో విశాఖపట్నంలో చిక్కుకుపోయిన తమ రాష్ట్రవాసులు ఇబ్బందుల్లో ఉన్నారని చెప్పిన వెంటనే సీఎం జగన్‌, డీజీపీ గౌతమ్‌ సవాంగ్‌లు అద్భుతంగా స్పందించారని కొనియాడారు. ఈ నేపథ్యంలోనే తమ రాష్ట్రవాసులను ఆదుకోవాలంటూ తేజస్వి సైతం ట్వీట్ చేశారు.





Source link

Leave a Reply

Your email address will not be published. Required fields are marked *