telananga liquor shop timings: మందుబాబులకు కేసీఆర్ సర్కారు గుడ్ న్యూస్ – liquor shops to remain open till 8.30 pm form today


లాక్‌డౌన్ కారణంగా మే 5వ తేదీ వరకు మూతపడిన మద్యం దుకాణాలు.. తిరిగి తెరుచుకున్న సంగతి తెలిసిందే. జూన్ 5 వరకు సాయంత్రం 6 గంటల వరకే మద్యం దుకాణాలు తెరచి ఉండగా.. నేటి నుంచి (శనివారం) రాత్రి 8.30 గంటల వరకు తెరుచుకుంటాయని ఎక్సైజ్ శాఖ మంత్ర శ్రీనివాస్ గౌడ్ తెలిపారు. ఎక్సైజ్‌శాఖ అధికారులతో శుక్రవారం నిర్వహించిన సమీక్ష సందర్భంగా మంత్రి ఈ విషయాన్ని వెల్లడించారు. తెలంగాణలో గత నెలలో రూ.1864.95 కోట్ల విలువైన మద్యం అమ్ముడుపోయింది. సాయంత్రం ఆరు గంటల వరకే ఈ స్థాయిలో మద్యం అమ్ముడుపోగా.. తాజా మద్యం విక్రయించే సమయాన్ని పెంచడంతో జూన్ నెలలో మద్యం అమ్మకాలు మరింత పెరిగే అవకాశం ఉంది.

ఎక్సైజ్ శాఖ అధికారులతో సమీక్ష సందర్భంగా మాట్లాడిన మంత్రి శ్రీనివాస్ గౌడ్.. అర్హత ఉన్న ప్రతి గీత కార్మికుడికీ శాఖాపరమైన సభ్యత్వ కార్డులను అందజేయాలన్నారు. సొసైటీలకు ఇచ్చే ఈత చెట్లు, తాటి చెట్ల కాలపరిమితిని కూడా పదేళ్ల పాటు పెంచుతూ ప్రతిపాదనలను సిద్ధం చేయాలని అధికారులకు సూచించారు.

ఈ ఏడాది హరితహారంలో భాగంగా 45 లక్షల తాటి, ఈత మొక్కలను నాటేందుకు ప్రణాళికలు సిద్ధం చేయాలన్నారు. నీరా అమ్మకాలను టెట్రా ప్యాక్‌లలో మాత్రమే జరపాలని, ప్లాస్టిక్‌ సీసాలు అసలు వాడొద్దని మంత్రి సూచించారు. గుడుంబా తయారీదారులపై కఠిన చర్యలు తీసుకోవాలని అధికారులను ఆదేశించారు.



Source link

Leave a Reply

Your email address will not be published. Required fields are marked *