telangana apple: తెలంగాణ గడ్డపై పండిన తొలి ఆపిల్.. సీఎం కేసీఆర్‌కు కానుకగా.. – telangana apple: farmer balaji kendre presentes some apples from his crop to cm kcr


రాష్ట్రంలో తొలిసారిగా ఆపిల్‌ పండ్లను పండించిన రైతు కేంద్రె బాలాజీ తెలంగాణ రాష్ట్ర ఆవిర్భావ దినోత్సవం సందర్భంగా సీఎం కేసీఆర్‌ను కలిశారు. ప్రగతి భవన్‌కు వెళ్లిన బాలాజీ తాను పండించిన తొలి పంటను సీఎం కేసీఆర్‌కు అందించారు. ఓ ఆపిల్ మొక్కను కూడా అందజేశారు. ఈ సందర్భంగా బాలాజీని సీఎం అభినందించారు. కుమ్రంభీం ఆసిఫాబాద్‌ జిల్లా కెరమెరి మండలం ధనోరాకు చెందిన బాలాజీ.. రెండెకరాల విస్తీర్ణంలో ఆపిల్ మొక్కల పెంపకాన్ని చేపట్టారు. తెలంగాణ ఆపిల్‌ మొక్కలను తొలిసారి సాగు చేసింది బాలాజీనే కావడం విశేషం. మరికొద్ది రోజుల్లో పండ్లు మార్కెట్‌లోకి అందుబాటులోకి వస్తాయి.

తొలినాళ్లలో వాణిజ్య పంటలు సాగు చేసి నష్టపోయిన బాలాజీ.. తర్వాత పండ్ల మొక్కల పెంపకం మీద శ్రద్ధ పెట్టారు. గుంటూరు నుంచి బత్తాయి మొక్కలు తీసుకొచ్చిన నాటిన ఆయన.. రాజమండ్రి నుంచి పది ఆపిల్ మొక్కలు తీసుకొచ్చి నాటగా.. కొన్ని మాత్రమే బతికాయి.

సీసీఎంబీ శాస్త్రవేత్తలు 2014లో హరిమన్‌ రకానికి చెందిన 150 మొక్కలను బాలాజీకి ఇచ్చారు. వారి సలహాలను తీసుకుంటూ సాగు చేయగా.. 100 మొక్కలు పెరిగాయి. రెండో ఏట కాయలు కాశాయి. 2016లో వ్యవసాయశాఖ మరో 300 మొక్కలు ఇచ్చింది. మూడేళ్లుగా కాయలను కోయకుండా చెట్లకే వదిలేశాడు. మరో వారం రోజుల్లో ఈ కాయలను మార్కెట్లో విక్రయించొచ్చు.



Source link

Leave a Reply

Your email address will not be published. Required fields are marked *