telangana corona cases: తెలంగాణకు బిగ్ న్యూస్.. కరోనా తగ్గుముఖం, రెండే కొత్త కేసులు – big relief for telangana: only 2 positive coronavirus cases reported on monday, toll rises to 1003


తెలంగాణ వాసులకు గుడ్ న్యూస్. రాష్ట్రంలో కరోనా వైరస్ వ్యాప్తి గణనీయంగా తగ్గింది. కేసీఆర్ సర్కార్ తీసుకుంటున్న కట్టుదిట్టమైన చర్యలు సత్ఫలితాలను ఇస్తున్నాయి. గత నాలుగు రోజులుగా పాజిటివ్ కేసుల సంఖ్య స్వల్పంగా నమోదవుతుండగా.. సోమవారం (ఏప్రిల్ 27) ఆ సంఖ్య గణనీయంగా తగ్గింది. కేవలం రెండే పాజిటివ్ కేసులు నమోదయ్యాయి. కరోనా కల్లోలంతో విసిగిపోయిన రాష్ట్ర ప్రజలకు ఒకరకంగా ఇది గొప్ప ఊరట కల్గించే వార్త. తెలంగాణలో కరోనా పాజిటివ్ కేసుల సంఖ్య ఆదివారం 1000 మార్క్ దాటిన సంగతి తెలిసిందే. సోమవారం నమోదైన రెండు కేసులతో కలిపి రాష్ట్రంలో పాజిటివ్ కేసుల సంఖ్య 1003కి చేరుకుంది.

సోమవారం నమోదైన రెండు కేసులూ గ్రేటర్ హైదరాబాద్ పరిధిలోనే నమోదవడం గమనార్హం. సోమవారం మరో 16 మంది డిశ్చార్జ్ అయ్యారు. దీంతో ఇప్పటివరకు కరోనా నుంచి కోలుకొని ఆస్పత్రి నుంచి డిశ్చార్జ్ అయిన వారి సంఖ్య 332కు చేరుకుంది. రాష్ట్రంలో ప్రస్తుతం 646 యాక్టివ్ కేసులు ఉన్నట్లు వైద్య, ఆరోగ్య శాఖ సోమవారం రాత్రి వెల్లడించిన హెల్త్ బులెటిన్‌లో పేర్కొన్నారు.

Don’t Miss:తెలంగాణలో లాక్‌డౌన్‌‌ ఎత్తివేతకు మార్గం సుగమం.. కలిసొస్తున్న అంశాలివే!

సోమవారం కూడా మరణాలేవీ సంభవించలేదని హెల్త్ బులెటిన్‌లో తెలిపారు. కరోనా కారణంగా రాష్ట్రంలో ఇప్పటివరకు 25 మంది మరణించారు. వీరిలో 18 మంది గ్రేటర్ హైదరాబాద్ పరిధి‌లోనే మరణించారు. రాష్ట్రంలో నమోదైన కేసుల్లో సగానికి పైగా జీహెచ్‌ఎంసీ పరిధిలోనే ఉన్నాయి. మొత్తం 1001 కేసుల్లో 556 కేసులు హైదరాబాద్‌లోనే నిర్ధారణ అయ్యాయి. 138 మంది డిశ్చార్జ్ కాగా.. ప్రస్తుతం నగరంలో 400 యాక్టివ్ కేసులున్నాయి. గ్రేటర్ హైదరాబాద్ తర్వాత సూర్యాపేట (77 కేసులు) కేసులు ఎక్కువగా ఉన్నాయి. వనపర్తి, యాదాద్రి, వరంగల్ రూరల్ జిల్లాల్లో ఇప్పటివరకు ఒక్క కేసు కూడా నమోదు కాకపోవడం విశేషం.

Also Read:కరోనా రోగులకు నాన్-వెజ్ లేదు.. మాంసాహారం, మసాలాలతో సమస్యలు



Source link

Leave a Reply

Your email address will not be published. Required fields are marked *