telangana corona cases: తెలంగాణలో కరోనా తగ్గుముఖం.. శుక్రవారం 13 కేసులు: ఈటల – 13 new coronavirus reported in telangana, toll rises to 983: etela rajender


రాష్ట్రంలో కరోనా కేసులు తగ్గుముఖం పడుతున్నాయని వైద్య, ఆరోగ్య శాఖ మంత్రి ఈటల రాజేందర్ తెలిపారు. త్వరలోనే వైరస్ పూర్తిగా కట్టడిలోకి వస్తుందని విశ్వాసం వ్యక్తం చేశారు. రాష్ట్రంలో శుక్రవారం (ఏప్రిల్ 24) 13 కేసులు నమోదనట్లు మంత్రి తెలిపారు. దీంతో తెలంగాణలో మొత్తం కరోనా పాజిటివ్ కేసులు సంఖ్య 983కి చేరుకుంది. గురువారం మరో 29 మంది ఆస్పత్రి నుంచి డిశ్చార్జ్ అయినట్లు మంత్రి ఈటల తెలిపారు. ఇప్పటికే 262 మంది డిశ్చార్జ్ అయినట్లు గుర్తు చేశారు. ప్రస్తుతం గాంధీ ఆస్పత్రిలో కరోనాతో 663 మంది చికిత్స పొందుతున్నట్లు వెల్లడించారు.

పాజిటివ్ కేసులు వచ్చిన ప్రాంతాల్లో కంటైన్మెంట్ కట్టుదిట్టం చేశామని మంత్రి ఈటల చెప్పారు. ఆ ప్రాంతాల్లో ప్రజలను ఇళ్లలోంచి బయటకి రాకుండా కట్టుదిట్టమైన చర్యలు తీసుకుంటున్నట్లు తెలిపారు. ప్రజలకు అవసరమైన నిత్యావసరాలు, ఇతర వస్తువులు ప్రభుత్వ సిబ్బందే అందిస్తున్నారని వివరించారు. కరోనా నియంత్రణ చర్యలపై ముఖ్యమంత్రి కేసీఆర్ ఎప్పటికప్పుడు అధికారులతో సమీక్ష నిర్వహించి సూచనలు ఇస్తున్నారని.. తెలంగాణ ప్రభత్వం తీసుకుంటున్న చర్యలతో వైరస్ వ్యాప్తి అదుపులోకి వచ్చిందని తెలిపారు.

ప్రస్తుతం చికిత్స పొందుతున్న బాధితుల్లో ఏడుగురికి మాత్రమే పరిస్థితి కాస్త విషమంగా ఉందని.. వారిని వెంటిలేటర్లపై ఉంచి చికిత్స అందిస్తున్నామని మంత్రి తెలిపారు. మిగతా వారందరికీ ప్రమాదమేమీ లేదని తెలిపారు. ఆ ఏడుగురు బాధితులకు ప్లాస్మా థెరఫీ ద్వారా చికిత్స అందించే ప్రయత్నాలు చేస్తున్నట్లు మంత్రి చెప్పారు. ఇందుకు సంబంధించిన కేంద్రం నుంచి అనుమతులు రానున్నాయని తెలిపారు.

సోషల్ మీడియాలో కొంత మంది విష ప్రచారం చేస్తున్నారని మంత్రి ఆగ్రహం వ్యక్తం చేశారు. కొన్ని పత్రికల్లోనూ తప్పుడు సమాచారం ప్రచురించి ప్రజలను ఆందోళనకు గురి చేసేవిధంగా ప్రవర్తిస్తున్నారని.. కష్టకాలంలో ఇది తగదని హెచ్చరించారు.

Also Read:వీడియో: ఒంటరి మహిళకు హైదరాబాద్ పోలీసుల బర్త్‌డే సర్‌ప్రైజ్



Source link

Leave a Reply

Your email address will not be published. Required fields are marked *