telangana corona cases: తెలంగాణలో కొత్తగా 143 కేసులు, మరో 8 మంది మృతి – 143 new coronavirus cases, 8 more death reported in telangana on june 5, toll surged to 3290


తెలంగాణలో కరోనా విలయం కొనసాగుతోంది. శుక్రవారం (జూన్ 5) కొత్తగా 143 కేసులు నమోదయ్యాయి. కరోనాతో మరో 8 మంది మరణించారు. దీంతో రాష్ట్రంలో మొత్తం కేసుల సంఖ్య 3290కు చేరగా.. మరణాల సంఖ్య 113కు ఎగబాకింది. రాష్ట్రంలో ఒకే రోజు ఇంత మంది చనిపోవడం ఇదే తొలిసారి. జీహెచ్‌ఎంసీ పరిధిలో కరోనా కేసులు అంతకంతకూ పెరుగుతున్నాయి. శుక్రవారం నమోదైన కేసుల్లో జీహెచ్‌ఎంసీ పరిధిలోనే 116 కేసులు నమోదయ్యాయి.

రాష్ట్రంలో కరోనా నుంచి కోలుకొని 1627 మంది డిశ్చార్జ్ కాగా.. ప్రస్తుతం 1550 యాక్టివ్ కేసులు ఉన్నాయని తెలంగాణ ఆరోగ్య శాఖ శుక్రవారం రాత్రి విడుదల చేసిన హెల్త్ బులిటెన్‌లో పేర్కొన్నారు.

శుక్రవారం నమోదైన కేసుల్లో జీహెచ్‌ఎంసీలో 116 ఉండగా.. రంగారెడ్డిలో 8, మహబూబ్‌నగర్‌లో 5, వరంగల్‌లో 3, ఖమ్మంలో 2, ఆదిలాబాద్‌లో 2, మేడ్చల్‌లో 2, సంగారెడ్డిలో 2, కరీంనగర్‌లో 2, మంచిర్యాలలో 1 కేసు నమోదయ్యాయి. రాష్ట్రంలో మొత్తం స్థానిక కేసులు 2842కు చేరుకోగా.. ఇప్పటివరకు 448 మంది వలస కార్మికులు, విదేశీయులకు కరోనా సోకినట్లు హెల్త్ బులిటెన్‌లో వెల్లడించారు.

జీహెచ్‌ఎంసీలో కరోనా కేసులు పెరుగుతున్న నేపథ్యంలో కంటోన్మెంట్ జోన్లు కూడా పెరుగుతున్నాయి. రాష్ట్రంలో జూన్ 3 నాటికి మొత్తం 158 ప్రాంతాల్లో కంటైన్‌మెంట్ జోన్లు ఉన్నట్లు ప్రభుత్వం తెలిపింది. సికింద్రాబాద్ పరిధిలో అత్యధికంగా 33 కంటెయిన్‌మెంట్ జోన్లు ఉన్నాయి.

ఆరోగ్య సిబ్బందికి వైరస్ సోకుతున్న నేపథ్యంలో వారి రక్షణకు తగిన చర్యలు తీసుకుంటున్నట్లు మంత్రి ఈటల రాజేందర్ తెలిపారు. కరోనా లక్షణాలు, హై రిస్క్ ఉన్నవారికే పరీక్షలు నిర్వహిస్తున్నట్లు వెల్లడించారు. రాష్ట్రంలో పరీక్షలు నిర్వహణ సరిగా లేదని, క్వారంటైన్ కేంద్రాల్లో వసతులు లేవని వస్తున్న విమర్శల పట్ల ఆయన ఆగ్రహం వ్యక్తం చేశారు. ప్రజలపై ప్రేమ ఉంటే మంచి సలహాలు ఇవ్వాలని.. వదంతులు ప్రచారం చేస్తూ ఆందోళనకు గురిచేయొద్దని హితవు పలికారు.

Also Read:ఏనుగు మృతిపై దేశం కంటతడి.. హైదరాబాద్ వ్యక్తి కీలక ప్రకటన

Don’t Miss:డాక్టర్లు, నర్సులకు కొవిడ్.. దేశానికి కొత్త తలనొప్పి



Source link

Leave a Reply

Your email address will not be published. Required fields are marked *